Chandrashekhar Bawankule: 'शिमग्याच्या बोंबा पुरे...' उद्धव ठाकरेंच्या 'त्या' टीकेनंतर बावनकुळेंचा हल्लाबोल; 'तुम्ही CM असताना...'

Thackeray Group Rally: आजच्या खेडमधील सभेत उद्धव ठाकरेंनी शिंदे- फडणवीस सरकारवर सडकून टीका केली होती, ज्यानंतर बावनकुळेंनी त्यांच्यावर निशाणा साधला आहे...
Chandrashekhar Bawankule, Uddhav Thackeray,
Chandrashekhar Bawankule, Uddhav Thackeray, saam tv

Chandrashekhar Bawankule Tweet: ठाकरे गटाचे प्रमूख उद्धव ठाकरे( Udhav Thackeray) यांची झंझावाती सभा आज खेडमध्ये पार पडली. शिवसेना पक्ष आणि चिन्हाचा निकाल लागल्यानंतर उद्धव ठाकरेंची ही पहिलीच जाहीर सभा होती. या सभेमध्ये त्यांनी निवडणूक आयोग, पंतप्रधान नरेंद्र मोदींसह शिंदे- फडणवीस सरकारवर सडकून केली. तसेच भाजपच्या मंचावर पुर्वी साधू दिसायचे, आता फक्त संधीसाधू दिसतात, अशी टीकाही त्यांनी यावेळी केली.

उद्धव ठाकरेंच्या या टीकेनंतर भाजपा प्रदेशाध्यक्ष चंद्रशेखर बावनकुळे यांनी ट्विट करत उद्धव ठाकरेंवर जोरदार निशाणा साधला आहे... (Maharashtra Politics)

Chandrashekhar Bawankule, Uddhav Thackeray,
Udhav Thackeray Speech: 'भाजपला गल्लीत कुत्रही विचारत नव्हतं...' खेडच्या सभेत उद्धव ठाकरे कडाडले; CM शिंदेंवर साधला निशाणा

काय म्हणाले होते उद्धव ठाकरे....

खेडमध्ये झालेल्या सभेत उद्धव ठाकरेंनी शिंदे- फडणवीस सरकारवर जोरदार हल्लाबोल केला. हिंदुत्वाला धुमारे फुटत असताना शिवसेना फोडण्यात आली. नाहीतर भाजपाला गल्लीतलं कुत्रं विचारत नव्हतं.” असे म्हणत भाजपाच्या मंचावर आधी साधू दिसायचे, आता संधीसाधू बसतात, अशी टीका त्यांनी केली होती.

Chandrashekhar Bawankule, Uddhav Thackeray,
Sushma Andhare: 'म्हणून इंजिनवाले फडणवीसांच्या मदतीला धावले...' खेडच्या सभेत सुषमा अंधारेंचा मनसेवर हल्लाबोल

चंद्रशेखर बावनकुळेंचे ट्विट...

उद्धव ठाकरेंच्या या टिकेला चंद्रशेखर बावनकुळे (Chandrashekhar Bawankule) यांनी सडेतोड उत्तर दिले आहे. "पालघरची घटना इतक्यात विसरलात? उद्धवजी, तुम्ही मुख्यमंत्री असताना निष्पाप साधूंच्या हत्या झाल्या. मारेकऱ्यांना तुम्ही पोटाशी धरले. रक्ताचे पाट तुमच्याच कारकिर्दीत वाहिले. शिमग्याच्या बोंबा पुरे आता," अशा शब्दात त्यांनी ट्विटरवरुन निशाणा साधला आहे.

दरम्यान, उद्धव ठाकरेंनी आजच्या खेडमधील सभेत एकनाथ शिंदेवरही जोरदार निशाणा साधला. मी घरी बसून महाराष्ट्र सांभाळला, यांना देशभर फिरुन, गुवाहाटीला जाऊन तो सांभाळता येत नाही, यांचा अर्धा वेळ तर दिल्लीत मुजरा करायला जातोय अशी टीका उद्धव ठाकरे यांनी मुख्यमंत्री एकनाथ शिंदे यांच्यावर केली. तसेच शिवसेनेची स्थापना निवडणूक आयोगाच्या वडिलांनी नाही, तर माझ्या वडिलांनी केली आहे,” असं म्हणत नाव न घेता पंतप्रधान नरेंद्र मोदींवर हल्ला चढवला. 

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com