गुडलक कॅफे पुण्यातील खवय्यांसाठी एक प्रसिद्ध ठिकाण आहे. अगदी लहानांपासून ते मोठ्यापर्यंत सर्वजण या कॅफेमध्ये येतात. पुण्यातील या प्रसिद्ध कॅफेमध्ये इराणी चहा आणि बन मस्का हा खूप प्रसिद्ध आहे. हा बन मस्का खाण्यासाठी नागरिकांची अक्षरशः रांग लागलेली असते. मात्र याच गुडलक कॅफेच्या बन मस्कामध्ये चक्क काचेचा तुकडा आढळून आला.

बन मस्कामध्ये काचेचा तुकडा

या घटनेचा व्हिडिओ सोशल मीडियावर व्हायरल होत आहे. ज्या ग्राहकासोबत हा प्रकार घडला त्याने देखील या व्हिडिओच्या माध्यमातून संताप व्यक्त केला आहे. व्हिडिओमध्ये दिसून आलेल्या नुसार, एका ग्राहकाने गुडलक कॅफेमध्ये चहा आणि बन मस्का मागवला होता. या पदार्थाचा आस्वाद घेत असताना त्यांना चक्क या बन मध्ये काचेचा तुकडा आढळून आला.

याबाबत आता गुडलक कॅफेच्या व्यवस्थापनाकडून घटनेची गंभीर दखल घेतली आहे. हा प्रकार कसा घडला याबद्दल सीसीटीव्हीची पडताळणी सुरू असल्याची माहिती कॅफेच्या व्यवस्थापनाने माध्यमांना दिली.परंतु या घटनेमुळे ग्राहकांना आता बन मस्का खायचा की नाही असा प्रश्न पडलेला आहे.

कॅफे गुडलक हे खूप प्रसिद्ध आहे. दररोज कितीतरी जण इथे फक्त चहा आणि बन मस्का खाण्यासाठी अनेकजण येतात. परंतु अचानक बन मस्तकामध्ये काचेचा तुकडा निघाल्याने आता ग्राहकांच्या आरोग्याचा प्रश्न निर्माण झाला आहे. जर चुकून हा काचेचा तुकडा ग्राहकाने न बघता खालला असता तर त्याच्या आरोग्याला धोका निर्माण झाला असता. त्यामुळे नेहमी कोणताही पदार्थ खाताना काळजी घ्यावी.