पुणे : महाराष्ट्राची शैक्षणिक राजधानी म्हणून ओळखल्या जाणाऱ्या पुणे (Pune News) शहरातून एक धक्कादायक घटना समोर आली आहे. पुण्यातील लोहियानगर परिसरात सहावीत शिकणाऱ्या ११ वर्षीय अल्पवयीन मुलाने गळफास लावून आत्महत्या केली आहे. या घटनेनं परिसरात मोठी खळबळ उडाली आहे. (Pune Crime News)

रुद्राक्ष लुकेश जाधव (वय ११) असे आत्महत्या केलेल्या मुलाचे नाव आहे. प्राप्त माहितीनुसार, रुद्राक्षचा घराशेजारी राहणाऱ्या माय-लेकींसोबत वाद (Crime News) झाला होता. यावेळी मायलेकींनी शिव्या दिल्याच्या रागातून त्याने हे टोकाचं पाऊल उचललं असल्याची माहिती आहे.

याप्रकरणी रुद्राक्षची आई आशा लुकेशा जाधव (वय ३२, रा. लोहियानगर) यांनी खडक पोलीस ठाण्यात (Pune Police) फिर्याद दिली आहे. फिर्यादीनुसार, पोलिसांनी आत्महत्येस प्रवृत्त केल्याप्रकरणी मायलेकींविरोधात गुन्हा दाखल केला आहे. (Pune Latest News)

विद्या व साधना कांबळे असं गुन्हा दाखल केलेल्या मायलेकींची नावे आहेत. रुद्राक्षच्या आईने दिलेल्या तक्रारीनुसार, फिर्यादी आणि आरोपी या एकाच भागात राहतात. फिर्यादी यांचा मुलगा हा सहावीत शिकत होता.

गुरूवारी तो आरोपींच्या घरी गेला होता. यावेळी परत परत का येतो असं म्हणत घरात असलेल्या मायलेकींनी रुद्राक्षला शिवीगाळ केली. या रागातून त्याने हे टोकाचं पाऊल उचललं असल्याची माहिती आहे. याप्रकरणी पोलिसांनी गुन्हा दाखल केला असून घटनेचा तपास सुरू केला आहे.

Edited By - Satish Daud