Shreya Maskar
महाराष्ट्राची चंद्रा अमृता खानविलकर कायम आपले चित्रपट, डान्स यामुळे चर्चेत असते. तिने मराठीसोबतच हिंदी इंडस्ट्री देखील गाजवली आहे. अलिकडेच ती 'तस्करी' या वेब सीरिजमधून प्रेक्षकांच्या भेटीला आली आहे.
अमृताने सुंदर पिवळ्या रंगाची नऊवारी पैठणी नेसली आहे. त्यावर मॅचिंगल ब्लाउज परिधान केलाय. तिने या साडीत सुंदर फोटोशूट केले आहे, ज्याने सर्वांचे लक्ष वेधून घेतले आहे.
साडीला शोभेल असा मराठमोळा साज श्रृंगार अमृताने केला आहे. केसांचा अंबाडा घालून त्यात सुंदर गुलाबाची फुलं माळली आहेत.
गळ्यात गोल्डन ज्वेलरी, हातात हिरवा चुडा, पायात पैजण, नाकात नथ आणि कपाळावर मुंडावळ्या बांधून तिने हा लूक पूर्ण केला आहे.
अमृता खानविलकर नव्या नवरीसारखी नटली आहे. ग्लॉसी मेकअपने तिचे सौंदर्य आणखी खुलवलं. तिच्या चेहऱ्यावरील हास्य पाहून चाहते घायाळ झाले आहेत.
अमृताच्या या फोटोंवर चाहते भरभरून कमेंट्स करत आहेत. "खूप सुंदर", "अप्रतिम मॅडम जी", "ब्यूटीफुल अमृता", "सुरेख अन् देखणी", "खूप प्रेम अमृता", "तुम्हाला सगळे रंग शोभतात, किती सुंदर दिसतेस..."
अमृता खानविलकर आता बिझनेसवुमन झाली आहे. नुकताच अमृताचा 'अमुल्य बाय अमृता' साड्यांचा ब्रँड सुरू झाला आहे.
अमृता खानविलकर सध्या 'लग्नपंचमी' या मराठी नाटकातून प्रेक्षकांच्या भेटीला येत आहे. यात तिच्यासोबत मराठी अभिनेता स्वप्निल जोशी झळकला आहे.