जालना : जालना (Jalna) जिल्ह्यातून एक धक्कादायक घटना उघडकीस आली आहे. दोन महिन्यांच्या बाळाला लसीकरणाचा डोस दिल्यानंतर त्या बाळाचा दुर्देवी मृत्यू झाला आहे. ही दुर्देवी घटना बदनापूर तालुक्यातील हिवराळा येथे घडली आहे. याप्रकरणी पोलिसांकडून गुन्हा दाखल करण्याची प्रक्रिया सुरू आहे. (Jalna News Today)
सूरज राहुल राठोड असं मृत्युमुखी पडलेल्या दोन महिन्यांच्या बाळाचे नाव आहे. प्राप्त माहितीनुसार, बदनापूर (Badnapur) तालुक्यातील हिवराळा गावातील राहुल राठोड यांच्या दोन महिन्यांच्या चिमुकल्याला लसीकरणासाठी शेलगाव येथील प्राथामिक आरोग्य केंद्रात आणण्यात आले होते.
प्राथामिक आरोग्य केंद्रात सुरू असलेल्या लसीकरण मोहिमेअंतर्गत सूरजचे लसीकरण करण्यात आले. लसीकरणानंतर अचानक सूरजची तब्येत खराब झाली. त्यानंतर त्याला तातडीने जिल्हा रुग्णालयात उपचारासाठी दाखल करण्यात आले. मात्र, रुग्णालयात दाखल करण्यापूर्वीच सूरजचा मृत्यू झाला होता.
जिल्हा रुग्णालयाचे डॉ अंभोरे यांनी लसीकरणामुळेच सूरजचा मृत्यू झाला असल्याचे जाहीर केले. तसा अहवाल देखील अंभोरे यांनी वरिष्ठ अधिकाऱ्यांना पाठवला आहे. याप्रकरणी मृत सूरजच्या आई-वडीलांनी दिलेल्या तक्रारीवरून पोलिसांनी गुन्हा नोंदवण्याची प्रक्रिया सुरू केली आहे.
Edited By - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.