पुणे - पुणे रेल्वे स्टेशन Pune Railway Station परिसरात एक धक्कादायक घटना घडली आहे. पुणे रेल्वे व बस स्थानकादरम्यान असलेल्या ३५ फुटी जाहिरात फलकावरुन एका मनोरुग्णाने खाली उडी मारल्याची घटना उघडकीस आली आहे. या अपघातात हा मनोरुग्णा गंभीर जखमी झाला असल्याची माहिती समोर आली आहे. अग्निशमन दलाने या मनोरुग्णाला वाचवण्याचे प्रयत्न केले. मात्र या झटापटीत या मनोरुग्णाने ३५ फुटी जाहिरात फलकावरुन उडी मारली.

हे देखील पहा -

पुणे स्टेशन परिसरात एक वेडसर व्यक्ती जाहिरातीच्या बोर्डवर चढली होती. हा बोर्ड ३५ फुट उंच होता. हा मनोरुग्ण व्यक्ती तेथून उडी मारण्याचा प्रयत्न करत होती. या घटनेची माहिती मिळताच तिथे उपस्थित असलेल्या नागरिकांनी तातडीने अग्निशमन दलाला याची माहिती दिली.

या ठिकाणी तातडीने कसबा फायर स्टेशनचे Kasba Fire Station कर्मचारी दाखल झाले. यावेळी तिथे उपस्थित असलेल्या काही नागरिकांनी साईन बोर्डवर चढून या मनोरुग्णाला वाचवण्याचे प्रयत्न केले. तसेच खाली जाळी देखील धरून ठेवण्यात आली होती. मात्र त्यानेफायर स्टेशनच्या कर्मचाऱ्यांना चकवा देत थेट रस्त्यावर उडी मारली. यामध्ये त्याला गंभीर मुका मार लागला असून त्याला ससून रुग्णलयात Sasoon Hospital उपचारासाठी दाखल करण्यात आले आहे.

Edited By - Shivani Tichkule