Dahihandi 2025 : दहीहंडीमध्ये २ गोविंदाचा मृत्यू; ९५ जण जखमी, कोणत्या हॉस्पिटलमध्ये किती जण अॅडमिट, जाणून घ्या

राज्यभर दहीहंडीचा उत्साह पाहायला मिळाला, पण दोन गोविंदांच्या मृत्यूमुळे दरम्यान या उत्सवाला गालबोट लागलं आहे. तर ९५ गोविंदा जखमी झाले आहेत. दरम्यान दहीहंडीत शेवटच्या थरावर जाणाऱ्या बाल गोविंदाची सुरक्षा वाऱ्यावरच असल्याचं चित्र यावेळी दिसून आला. त्यामुळे न्यायालयाचे आदेश आणि त्यांनतर सरकारनं काढलेले जीआर काढूनही सुरक्षेबाबत कोणतीच खबरदारी घेण्यात आली नाहीये. त्यामुळेच दहीहंडी उत्सवात २ गोविंदाला आपला जीव गमवावा लागलाय. गोविंदाच्या मृत्यूने उत्सवाला गालबोट लागलाय.

आधी मानखुर्दमध्ये एका गोविंदाचा मृत्यू झाला होता, त्यानंतर गावदेवी गोविंदा पथकातील गोविंदाचा मृत्यू झालाय. रोहन वाळवी, असे गोविंदाचे नाव असल्याचं सांगितले जात आहे. तर मानखुर्दमध्ये ३२ वर्षीय जगमोहन शिवकिरण चौधरी या तरुणाचा मृत्यू झाला होता. हंडीसाठी दोरी बांधताना तोल गेला. त्यानंतर खाली कोसळून जगमोहनचा मृत्यू झाला.

जाणून घ्या कोणत्या हॉस्पिटलमध्ये किती जण आहेत दाखल

जखमी गोविंदांच्या विविध सरकारी आणि बीएमसी रुग्णालयांमधील माहिती रेकॉर्ड रात्री ९ वाजेपर्यंत:

सीटी रुग्णालये: जखमी ३०; उपचार सुरू ११ (जी टी रुग्णालयात १ गंभीर - नाव श्रेयस चाळके, २३ वर्ष), १९ जणांना डिस्चार्ज

ईएस रुग्णालये - जखमी ३१; उपचार सुरू ०५, २६ जणांना घरी सोडण्यात आले

डब्ल्यूएस रुग्णालये - जखमी ३४; उपचार सुरू ०३ (बीडीबीए, कांदिवली रुग्णालयात १ गंभीर; नाव आर्यन यादव, ९ वर्षे) ३१ जणांना डिस्चार्ज

एकूण: जखमी ९५; उपचाराधीन १९ (२ गंभीर); ७६ जणांना डिस्चार्ज