Hinjewadi Hoarding Collapsed : पिंपरी चिंचवड शहरातील हिंजवडी भागात मंगळवारी झालेल्या पावसामुळे एक मोठी अनुधीकृत होर्डिंग्ज कोसळली होती. ह्या होर्डिंग खाली दबून दोन जण गंभीर जखमी झाले होते. तर तीन-चार वाहनांचा देखील मोठा नुकसान झाला होत. आता या प्रकरणात होर्डिंग्जच्या जागा मालकावर हिंजवडी पोलिसांत गुन्हा दाखल झाला आहे. (Maharashtra News)

हिंजवडी येथे झालेल्या वादळी पावसात होर्डिंग्ज कोसळले. सुदैवाने येथे काही जिवितहानी झाली नाही. हे होर्डिंग्ज अधिकृत की अनधिकृत याबाबत महापालिकेकडे माहिती उपलब्ध नसल्याचे स्पष्ट झाले आहे. याशिवाय पुणे महापालिका हद्द आणि जिल्ह्यातही काही ठिकाणी यापूर्वी होर्डिंग कोसळले आहेत.

पुणे आणि परिसरात यापुर्वी होर्डिंग्ज कोसळून काही नागरीकांचा मृत्यू झाल्याच्या घटना देखील घडल्या आहेत. हे लक्षात घेता पुण्याचे पालकमंत्री चंद्रकांत पाटील यांनी लक्ष घालावे अशी मागणी खासदार सुप्रिया सुळे यांनी ट्विटद्वारे नुकतीच केली आहे.

जागा मालकावर गुन्हा दाखल

दरम्यान आता या प्रकरणात होर्डिंग्जच्या जागा मालकावर अखेर हिंजवडी पोलिसांत गुन्हा नोंदविला आहे. राजेंद्र निवृत्ती साखरे असे गुन्हा दाखल झालेल्या जागा मालकाचे नाव आहे. या जागा मालकाला होर्डींग्जच स्ट्रक्चरल ऑडिट करण्याच्या सूचना दिल्या गेल्या होत्या, मात्र त्यांनी सूचनांचे पाल केले नाही. त्याशिवाय अनधिकृत होर्डिंग्ज असल्याचा ठपका ठेवत या जागा मालकावर गुन्हा दाखल करण्यात आला आहे.

Edited By : Siddharth Latkar