Pimpri Chinchad News: पिंपरी चिंचवड शहरातून एक दुर्देवी घटना समोर आली आहे. पिंपरी चिंचवड शहरातील रावेत पोलिस स्टेशनच्या हद्दीतील एका वॉटर पार्कमध्ये बुडून सहा वर्षीय चिमुकलीचा मृत्यू झाला. या घटनेने परिसरात हळहळ व्यक्त केली जात आहे. (Ravet Police Station News)

याबाबत अधिक माहिती अशी की, पिंपरी चिंचवडच्या (Pimpri Chinchwad) नामांकित सेंटोसा हॉटेल मध्ये असलेल्या वॉटर पार्क मध्ये बुडून एका सहा वर्षे चिमुकलीचा दुर्दैवी मृत्यू झाला आहे. रावेत पोलिस स्टेशन हद्दीत घडलेल्या घटनेने एकच खळबळ उडाली आहे.

या प्रकरणात रावेत पोलिसांनी सेंटोसा हॉटेल मालक अजय हरीलाला हिंदुजा आणि हॉटेल व्यवस्थापक राहुल आबा मोरे यांच्याविरुद्ध निष्काळजीपणा करत मृत्यूस कारणीभूत ठरल्या प्रकरणी गुन्हा दाखल केला आहे. (Latest Marathi News)

दरम्यान, या प्रकरणात सेंटोसा हॉटेलमधील स्विमिंग पुलाला सुरक्षा कठडे नसणे लाइफ गार्ड उपस्थित नसणे आणि हयगई केल्या प्रकरणी हे गुन्हा दाखल करण्यात आले आहेत. विशेष म्हणजे या प्रकरणाची फिर्याद स्वतः पोलिसांनी दिल्याने आरोपींना अटक केली जाणार की नाही? याकडे सगळ्यांचे लक्ष लागले आहे. या घटनेने परिसरात एकच खळबळ उडाली आहे.