पनवेल महानगरपालिकेने एक महत्त्वाचा निर्णय घेतला आहे. शहरातील वाहतूक कोंडीवर उपाय काढला आहे. आता शहरातील कनेक्टिव्हिटी वाढवण्यासाठी आणि वाहतूक कोंडीपासून सुटका म्हणून नवीन पुल बांधणार येणार आहे. पनवेल महानगरपालिकेने करंजाडे सांडपाणी पंपिग स्टेशनजवळ गाढी नदीवर पुल बांधण्याच्या प्रस्तावाला मंजुरी दिली आहे.

मागणीनंतर प्रस्तावाला मंजुरी

पनवेलचे आमदार प्रशांत ठाकूर आणि उरणचे आमदार महेश बालदी यांनी या वाहतूक कोंडीपासून नागरिकांची सुटका व्हावी, यासाठी हा प्रस्ताव मांडला होता. पनवेल, करंजाडे आणि वडघरच्या सिडको वसाहतींमध्ये राहणाऱ्या प्रवाशांना रोज वाहतूक कोंडीचा सामना करावा लागयचा. यावर समस्येवर प्रकाश टाकण्यात आला. त्यानंतर पनवेल महापालिका आयुक्तांनी या प्रस्तावाला मंजुरी दिली आहे.

करंजाडे पुलावर होतेय सर्वाधिक वाहतूक

महापालिका अधिकाऱ्यांच्या मते, करंजाडेकडे जाणाऱ्या पुलावर नेहमी वाहतूक कोंडी होते. हा रस्ता नेहमी वाहनांनी भरलेला आहे. दरम्यान, आता नवी मुंबई आंतरराष्ट्रीय विमानतळ सुरु झाल्यावर या मार्गावर वाहतूक वाढण्याची शक्यता आहे. त्यामुळे हा नवीन पनवेल करंजाडे महामार्गावरील नवीन पूल महत्त्वाचा आहे.

खर्च

पवनेल करंजाडेला जोडणाऱ्या या प्रकल्पाला मान्यता देण्यात आली आहे. आता लवकरच या प्रकल्पाचे बांधकाम सुरु होईल. या प्रकल्पासाठी ४८.४० कोटी रुपयांच्या खर्चाला मान्यता मिळाली.

पुल कसा असणार?

मंजुर केलेल्या आराखड्यानुसार, हा पूल चार पदरी असणार आहे. २४० मीटर लांबी आणि २१.५ मीटर रुंदी असणार आहे. हा पूल पनवेल महानगरपालिकेच्या पूर्वेकडील ४० फूट रुंदीच्या रस्त्याच्या पश्चिमेकडील करंजाडे रोडकडे जाणाऱ्या सिडकोच्या रस्त्याशी जोडणार आहे.यामुळे सिडको वसाहतीतील नागरिकांना वाहतूक कोंडीचा सामना करावा लागणार नाही.