- फय्याज शेख

शहापूर : नवीन कसारा घाटात दोन वाहनांच्या अपघातात (accident) एकाचा मृत्यू झाला. या अपघातात एक जण जखमी झाला आहे. नवीन कसारा घाटात अपघात झाल्याची माहिती आपत्ती व्यवस्थापनाच्या सदस्यांना मिळाली. त्यांनी तातडीने घाटात मदत कार्य पाेहचविलं. (New Kasara Ghat Accident News)

नवीन कसारा घाटात नाशिकहून मुंबईच्या दिशेने जाणाऱ्या एका केळाच्या ट्रकने टेम्पोला मागून जोरदार धडक दिली. त्यामुळे टेम्पो दरडीवर जाऊन आदळला. त्यानंतर पलटी झाला.‌ या टेम्पोत चालक अडकला होता. तब्बल दोन तासांच्या अथक प्रयत्नांनंतर चालकास बाहेर काढले मात्र तो पर्यंत त्याचा मृत्यू झाला होता.

पप्पू यादव असे मृत चालकाने नाव आहे. त्याचा मृतदेह कसारा प्राथामिक आरोग्य केंद्रात पाठवण्यात आला आहे. या अपघातामुळे नवीन कसारा घाटातील वाहतुक काही काळ खाेळंबली हाेती.

Edited By : Siddharth Latkar