मुंबईच्या शिवडीतून अतिशय संतापजनक बातमी समोर येत आहे. एका ३५ वर्षीय महिलेची निघृण हत्या करण्यात आली आहे. मृतदेह ताब्यात घेतल्यानंतर तिच्या प्रायव्हेट पार्टमधून रक्तस्त्राव झाले असल्याचं आढळून आलं आहे. त्यामुळे तिच्यावर लैंगिक अत्याचार करून हत्या करण्यात आली असावी, असा संशय व्यक्त केला जात आहे. या प्रकरणी पोलिसांनी आरोपीविरोधात गुन्हा दाखल केला आहे.

ही घटना मुंबईच्या शिवडी बीडीडी चाळ परिसरात घडली. गरीना अब्दुल मजीद सय्यद (वय वर्ष ३५) असे मृत महिलेचं नाव आहे. या महिलेचा मृतदेह आढळून आल्यानंतर परिसरात खळबळ उडाली होती. मृतदेह ताब्यात घेतल्यानंतर तिच्या प्रायव्हेट पार्टमधून रक्तस्त्राव होत असल्याचं आढळून आलं. त्यामुळे तिच्यावर लैंगिक अत्याचार केला असावा आणि मग हत्या करण्यात आली असावी, असा संशय व्यक्त केला जात आहे.

या प्रकरणात आर. ए. किडवाई मार्ग पोलिसांनी अज्ञात व्यक्तीविरोधात भारतीय दंड संहिता कलम 103 (1), बीएनएस 2023 अंतर्गत गुन्हा दाखल केला असून तपास सुरू आहे. पोलिस सध्या परिसरातील सीसीटीव्ही फुटेज तपासत आहेत आणि आरोपीचा शोध घेत आहेत.

या घटनेमुळे परिसरात भीतीचे वातावरण निर्माण झाले असून, स्थानिक नागरिकांमध्ये संतापाचे आणि असुरक्षिततेचे वातावरण आहे. ती महिला नक्की कोण? तिची निघृण हत्या का करण्यात आली? याचा तपास सुरू आहे.