मुंबईत घर खरेदी करण्याची योग्य वेळ
मुंबईतील घरांच्या किंमती घसरल्या
घरांच्या किंमतीत ३ टक्क्यांनी घसरण
मुंबईत घर घ्यायचे हे मध्यमवर्गीयांना परवडणारे नाहीये. दरम्यान,जर तुम्ही मुंबईत घर खरेदी करायचा विचार करत असाल तर तुमच्यासाठी योग्य संधी आहे. एका बाजूला देशातील अनेक ठिकाणी घरांच्या किंमती वाढताना दिसत आहे तर मुंबई, नवी मुंबईत घरांच्या किंमती कमी होताना दिसत आहेत.ब्रोकरेज फर्म फिलिप कॅपिटल यांनी याबाबत रिपोर्ट जारी केला आहे. यामध्ये आर्थिक वर्ष २०२५ मध्ये मुंबई आणि नवी मुंबईत घरांच्या किंमती कमी झाल्याचे दिसत आहेत. वर्षाला घरांच्या किंमती ३ टक्क्यांनी कमी झाल्या आहेत.
या रिपोर्टनुसार, देशातील इतर ठिकाणांवरील घरांच्या किंमती दिवसेंदिवस वाढत आहेत. कोलकत्तामध्ये घरांच्या किंमती २९ टक्क्यांना वाढल्या आहेत. ठाण्यात घरांच्या किंमती १७ टक्क्यांनी तर बंगळुरुमध्ये घरांच्या किंमती १५ टक्क्यांनी वाढल्या आहेत.
घर खरेदी करणाऱ्यांना दिलासा
मुंबई हे सर्वात जास्त महाग शहर आहे. मुंबईत घरांच्या किंमती सतत वाढत असतात. दरम्यान, यावर्षी घरांच्या किंमती ३ टक्क्यांनी कमी झाल्या आहेत. त्यामुळे घर खरेदी करणाऱ्यांना दिलासा मिळाला आहे.
ब्रोकरेजच्या रिपोर्टनुसार, घरांच्या किंमती घसरल्याने हे सर्वसामान्यांना परवडणाऱ्याजोगे झाले आहे. २०२४ मध्ये रिअल इस्टेट मार्केटमध्ये घरांची विक्रमी विक्री आणि मागणीदेखील जोरदास होती. परंतु आता मुंबईत घरांच्या किंमती स्थिर होताना दिसत आहे.
घर घेण्याची ही योग्य वेळ आहे का?
अहवालानुसार, २०२४ मध्ये घरांच्या किंमती चांगल्याच वाढल्या आहेत. त्यानंतर या किंमती स्थिर होण्याची अपेक्षा आहे. परंतु काही काळातच सततची मागणी आणि वाढत्या खर्चामुळे घरांच्या किंमती पुन्हा वाढू शकतात. त्यामुळे घरांच्या किंमती काही कालावधीसाठीच कमी होई शकतात. त्यामुळे ही घर खरेदी करण्याची उत्तम संधी असल्याचे म्हटले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.