Lalbaug Bus Accident Saam Tv
मुंबई/पुणे

Mumbai Accident: लालबागमध्ये भीषण अपघात, मद्यधुंद प्रवाशाचा थिल्लरपणा, बसने ९ जणांना चिरडलं, पाहा VIDEO

Lalbaug Bus Accident: लालबाग परिसरात रविवारी रात्री ही घटना घडली. या अपघातामध्ये एका तरुणाचा जागीच मृत्यू झाला. जखमी झालेल्या इतर ८ जणांवर केईएम रुग्णालयामध्ये उपचार सुरू आहेत.

Priya More

Drunk BEST Bus Passenger turns steering, Causes Accident at Lalbaug: मुंबईमध्ये भीषण बस अपघाताची घटना समोर आली आहे. भरधाव बसने ९ जणांना चिरडले. लालबाग परिसरात रविवारी रात्री ही अपघाताची घटना घडली. या अपघातामध्ये एका तरुणीचा जागीच मृत्यू झाला. जखमी झालेल्या इतर ८ जणांवर केईएम रुग्णालयामध्ये उपचार सुरू आहेत. या अपघातानंतर लालबाग परिसरात गोंधळाचे वातावरण निर्माण झाले होते. पोलिसांनी याप्रकरणी एक जणाला ताब्यात घेतलं आहे.

मिळालेल्या माहितीनुसार, रविवारी सव्वा आठच्या सुमारास ही अपघाताची घटना घडली. बेस्ट बसची मार्गिका क्रमांक ६६ नंबरची बस लालबागवरून जात असताना हा अपघात झाला. ही बस भाटियाबाग येथून राणी लक्ष्मीबाई चौकाकडे निघाली होती. यावेळी ही बस लालबागमधील गणेश टॉकीज परिसरात आली असता एका मद्यधुंद प्रवाशाने काही क्षुल्लक कारणांवरून चालकासोबत वाद घातला.

हा प्रवासी थेट चालकाच्या केबिनजवळ गेला. प्रवाशाचे बस धावत असताना चालकाला स्टेअरिंगवरून ओढण्याचा प्रयत्न केला. त्याने डाव्या बाजूने बसचे स्टेअरिंग हातात घेत ते फिरवले. त्यामुळे चालकाचे बसवरील नियंत्रण सुटले आणि या बसने रस्त्याच्या कडेला उभ्या असलेल्या वाहनांना धडक देत ९ जणांना चिरडले.

अपघाताची माहिती मिळताच काळाचौकी पोलिसांनी घटनास्थळी धाव घेतली. या अपघातामध्ये जखमी झालेल्यांना त्यांनी तात्काळ केईएम रुग्णालयामध्ये दाखल केले. या भीषण अपघातामध्ये एका तरुणीचा मृत्यू झाला तर आठ जण जखमी झाले. जखमी पादचाऱ्यांमध्ये दोन महिलांचा समावेश आहे. या दोन्ही महिलांची प्रकृती गंभीर आहे. त्यांच्यावर केईएमच्या आयसीयू वॉर्डमध्ये उपचार सुरू आहेत. श्रेया मणियार आणि नुपुरा मणियार असं त्यांची नावं आहेत.

या भीषण अपघातामध्ये अनेक वाहनांचे मोठे नुकसान झाले आहे. त्यामध्ये कार आणि दुचाकींचा समावेश आहे. पोलिसांनी हा अपघात ज्या व्यक्तीमुळे झाला त्या मद्यधुंद प्रवासी दत्ता शिंदेला ताब्यात घेतले आहे. त्याच्याविरोधात गुन्हा दाखल करण्याची प्रक्रिया सुरू आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

ठाणे ते नवी मुंबई एअरपोर्ट प्रवास सुसाट, ३ उड्डाणपूल तयार होणार; वाहतूक कोंडीचा प्रश्न सुटणार

Sanjay Raut: सत्ताधाऱ्यांसाठी धक्का; संजय राऊतांचे कमबॅक, महायुतीवर तोफ धडाडणार

Maharashtra Live News Update: नाशिककरांच्या आंदोलनाला आमचा पाठिंबा - सयाजी शिंदे

Smriti - Palash : स्मृती मानधना अन् पलाश मुच्छलनं इन्स्टाग्राम प्रोफाइलचा Bio बदलला, चाहते पडले गोंधळात

Maharashtra Politics: राजकीय नेत्यांच्या घरात आता फक्त २ तिकिटं, घराणेशाहीवरून टीका वाढल्यानंतर शिंदेसेनेला शहाणपण

SCROLL FOR NEXT