मुंबईकरांसाठी आनंदाची बातमी समोर आली आहे.आता मुंबईकरांना आणखी एक मेट्रो मिळणार आहे. मुंबई मेट्रो मार्गिका 5A टप्पा एक आणि टप्पा दोनला मंजुरी देण्यात आली आहे. याबाबत मुख्यमंत्री देवेंद्र फडणवीसांनी घोषणा केली आहे. काल मंत्रिमंडळ बैठकीत याबाबत निर्णय झाला. याबाबत अनेक महत्त्वाचे निर्णय झाले आहेत.

मुंबई मेट्रो ५ अ होणार लवकरच सुरु (Mumbai Metro 5A Work Update)

मुख्यमंत्री देवेंद्र फडणवीसांनी याबाबत माहिती देताना सांगितले की, मुंबई मेट्रो मार्गिका ५ अ टप्पा एक आणि टप्पा २ सुरु होणार आहे. यासाठी १८,१३०.५५ कोटी रुपयांचा निधी मंजूर करण्यात आला आहे. या मार्गाला सध्या मंजुरी मिळाली आहे. लवकरच प्रत्यक्ष कामाला सुरुवात केली जाणार आहे.

मुंबई मेट्रो ५अ ही मार्गिका ३४.२१ किमी लांब असणार आहे. ज्यामध्ये १९ स्थानकांचा समावेश आहे. दोन टप्प्यांमध्ये ही मार्गिका सुरु करण्यात येणार आहे. यातील पहिला टप्पा कापूरबावडी ते धामणकर नाका आणि दुसरा टप्पा धामणकर नाका ते दुर्गाडी असणार आहे.

मेट्रो ५अ दुर्गाडी - कल्याण – उल्हासनगर ठिकाणांना जोडणार आहे. यामुळे ठाणे, भिवंडी, कल्याण आणि उल्हासनगरमधील प्रवाशांना फायदा होणार आहे. एकूण ६९ लाख प्रवाशांना या मेट्रोचा फायदा होणार आहे. यामुळे प्रवासाचा वेळ जवळपास अर्धा होणार आहे. या प्रकल्पासाठी आवश्यक परवानगीसाठी केंद्र सरकार आणि संबंधित विभागाकडे वेगाने कार्यवाही करावी, असं त्यांनी सांगितलं आहे.

मेट्रोमुळे ठाणे-कल्याण-भिवंडी आणि पुढे उल्हासनगरच्या प्रवाशांना फायदा होणार आहे. या मेट्रोचे काम लवकरचा लवकर पूर्ण होईल. आधी ठाणे भिवंडी कल्याण मेट्रो ५ २४.९ किमी लांबीची होती. आता यात १० किमीचा विस्तार करण्यात आला आहे. मेट्रो ५ च्या पहिल्या टप्प्याचे काम अंतिम टप्प्यात आहे. यानंतर दुसऱ्या टप्प्याचे काम पूर्ण केले जाईल. याबाबत बुधवारी निर्णय जारी करण्यात आला.