Mumbai Worli Wife Shoot Dead Saam Tv News
मुंबई/पुणे

Worli Crime : आधी पत्नीच्या डोक्यात धाडकन् गोळी झाडली, नंतर पतीनं आयुष्य संपवलं; मुंबई हादरली

Mumbai Worli Wife Shoot Dead : कौटुंबिक वादातून पतीने पत्नीची हत्या केल्याची माहिती आता समोर आली आहे. वरळीतील सिद्धार्थनगरमध्ये ही घटना घडलेली आहे. या घटनेमुळे परिसरात एकच भीतीचं वातावरण पसरलं आहे.

Prashant Patil

मुंबई : राज्यात दिवसेंदिवस गुन्हेगारीचं प्रमाण वाढत चाललं आहे. महाराष्ट्रातील पुणे, बीड, मुंबई, जळगाव आणि छत्रपती संभाजीनगर या जिल्ह्यांमध्ये तर पोलिसांचा धाकच उरलेला नाहीय. दिवसाढवळ्या हत्या, बलात्कार अशा बऱ्याच प्रकारच्या घटना घडताना आपण पाहत असतो. याचदरम्यान, अतिशय धक्कादायक बातमी आता मुंबईतल्या वरळीमध्ये उघडकीस आली आहे. वरळीत पत्नीच्या डोक्यात गोळी झाडून पतीने स्वत: आत्महत्या केल्याचा धक्कादायक प्रकार समोर आला आहे. त्यामुळे मुंबईत खळबळ उडाली आहे.

कौटुंबिक वादातून पतीने पत्नीची हत्या केल्याची माहिती आता समोर आली आहे. वरळीतील सिद्धार्थनगरमध्ये ही घटना घडलेली आहे. या घटनेमुळे परिसरात एकच भीतीचं वातावरण पसरलं आहे.

पुण्यातल्या बुधवार पेठेत महिलेची हत्या

उसने पैसे देण्याच्या वादातून एका रिक्षाचालकाने महिलेचा गळा आवळून खून केल्याची खळबळजनक घटना समोर आली आहे. ही धक्कादायक घटना पुण्यातील सिंहरोड परिसरात घडली आहे. या प्रकरणाची माहिती त्याने आपल्या भावाला दिली. त्यानंतर तो गुरुवारी रात्री नांदेडसिटी पोलीस ठाण्यात हजर झाला. तसेच आपल्या गुन्ह्याची कबुली दिली. या घटनेनंतर परिसरात खळबळ उडाली आहे.

आरोपी नितीन चंद्रकात पाटील हा रिक्षा चालक असून, श्यामली कमलेश सरकार असे हत्या झालेल्या महिलेचे नाव आहे. श्यामली सरकार आणि नितीन पंडित यांची ओळख रिक्षातून प्रवासाच्या दरम्यान झाली होती. नितीन दररोज तिला सायंकाळी बुधवार पेठेत सोडत असे. याच ओळखीच्या आधारे श्यामलीने नितीनकडून ५० हजार रुपये उसने घेतले होते.

पंडितने पैसे परत मागितले असता तिने पैसे परत देण्यासाठी टाळाटाळ केली आणि यातून त्यांच्यात वाद झाला. बुधवारी (४ जून) दुपारी नितीन पंडित श्यामलीला घेण्यासाठी धायरी येथील तिच्या घरी गेला. तिथे त्यांच्यात पुन्हा पैशांवरून वाद झाला. वाद विकोपाला गेला, आणि नितीनने श्यामलीची हत्या करण्याचं ठरवलं.

रागाच्या भरात नितीनने श्यामलीच्या ओढणीने तिचा गळा आवळून खून केला. त्यानंतर त्याने घराबाहेरून कुलूप लावले आणि स्वतः घरातच लपून बसला. यामुळे कुणालाही या घटनेची माहिती समजली नाही. घटनेनंतर तो दिवसभर घरातच होता. अखेरीस त्याने ही संपूर्ण घटना आपल्या भावाला सांगितली. त्यानंतर गुरुवारी रात्री तो नांदेड सिटी पोलीस ठाण्यात स्वतःहून हजर झाला. पोलिसांनी त्याला अटक करून पुढील तपास सुरू केला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Todays Horoscope: 'या' राशींसाठी महत्त्वाचे निर्णय मार्गी लागतील; वाचा राशीभविष्य

Ganpati Visarjan 2025: अनंत चतुर्दशीच्या दिवशी बनतोय दुर्मिळ संयोग; 'या' गोष्टी दान करणं मानलं जातं शुभ

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

SCROLL FOR NEXT