मुंबईकरांसाठी एक आनंदाची बातमी आहे. शहरातील प्रवाशांना मेट्रो, मोनोरेल आणि लोकल रेल्वे असे प्रवासाचे तीन पर्याय उपलब्ध होणार आहे. मेट्रो लाइन 2 बी वरील चेंबुर स्थानकाचे काम पूर्ण झाले आहे. मोनोरेल आणि रेल्वे स्थानक या मेट्रो स्थानकाच्या अगदी जवळ आहेत. त्यामुळे या मार्गावर एक इंटरचेंज निर्माण झाले आहे. यामुळे रोजच्या लोकलच्या धावपळीतून काहीसा दिलासा मिळणार आहे.

MMRDA चे आयुक्त संजय मुखर्जीनी चेंबुर मेट्रो स्थानकाची पाहणी केली. यावेळी त्यांच्यासह MMMOCL चे संचालक कान्हूराज बगाटेही उपस्थित होते. त्यानंतर त्यांनी व्ही.एन.पुरव मोनोरेल स्थानकाची पाहणी केली. या दोन्ही स्थानकादरम्यान इंटरचेंज तयार करण्यात आले आहेत. त्यामुळे प्रवासी मोनोरेल आणि मेट्रो या दोन्ही मार्गांवरून सहजपणे प्रवास करू शकतील. यामुळे मोठा मुंबई कनेक्टीव्हिटीसाठी मोठा फायदा होणार असून मुंबई दक्षिण आणि मध्य उपनगरांशी जोडण्यात येणार आहे.

मेट्रो लाईन २बी चे वायबुर स्टेशन सुरू झाल्यामुळे या मार्गावरील प्रवाशांची संख्या वाढण्याची अपेक्षा आहे. सध्या, डायमंड गार्डन ते मंडाले या ५.४ किलोमीटरच्या पहिल्या टप्प्यात पाच स्थानके कार्यरत आहे. मात्र प्रवासी संख्या अपेक्षित पाहिजे तितकी वाढली नाही. परिवहन अधिकाऱ्यांचा असा विश्वास आहे की, चेंबूर स्टेशन पूर्ण झाल्यावर त्यात झपाट्याने बदल होईल, कारण ते उपनगरीय रेल्वे, मेट्रो आणि मोनोरेलला जोडणारे पूर्व मुंबईतील सर्वात मोठे इंटरचेंज केंद्र बनेल.

यामुळे वाहतूक कोंडी कमी होईल आणि चेंबुर-मानखुर्दसह आजूबाजूच्या परिसरातील ट्राफिक कमी होण्यास मदत होईल. MMRDA सप्टेंबर 2025 पासून स्थगित असलेली मोनोरेल सेवा पावसाळ्यापूर्वी पुन्हा सुरू करण्याची तयारी करत आहे. 19.54 किलोमीटर लांबीच्या मोनोरेल कॉरीडॅारला मेट्रो २ बीशीा जोडल्याने त्याची संख्या वाढण्याचीही अपेक्षा आहे.