मुंबईकरांसाठी महत्त्वाची बातमी आहे.आता मुंबईकरांचा प्रवास आणखी महाग होणार आहे. बेस्ट बसच्या तिकीटात वाढ झाली आहे. आता तुम्हाला बस तिकीटासाठी दुप्पट पैसे मोजावे लागणार आहे. त्यामुळे प्रवाशांचे टेन्शन वाढले आहे. बेस्ट बसच्या तिकीटातील वाढ ही आजपासून झाली आहे. त्यामुळे तुम्ही याआधी ज्या तिकीट दरात प्रवास करत होता त्यापेक्षा दुप्पट पैसे तुम्हाला द्यावे लागणार आहे. बेस्ट बस भाडेवाढीच्या प्रस्तानाला मुंबई महापालिका आणि परिवहन प्राधिकरणाने मंजुरी दिली आहे.

दररोज हजारो मुंबईकर बेस्ट बसने प्रवास करतात. बेस्ट बसचं तिकीट तुलनेने कमी असल्याने बसमध्ये खूप गर्दी असायची. आता या तिकीटाची किंमत वाढवण्यात आली आहे. बेस्ट बसच्या तिकीटाची किमान किंमत ही ५ रुपये होती. आता या किंमतीत वाढ होऊन ते १० रुपये करण्यात आले आहे. त्यामुळे तुम्हाला दुप्पट पैसे मोजावे लागणार आहे. तर एसी बसचं (AC Bus Fare) भाडं ६ रुपये होते. आता त्यासाठी तुम्हाला १२ रुपये मोजावे लागणार आहेत.

बेस्टच्या तिकीटात कितीने वाढ (BEST Bus Fare Hike)

५ किलोमीटरच्या अंतरापर्यंत बेस्ट बसचे तिकीट हे ५ रुपये होते आता या तिकीटाची किंमत १० रुपये झाली आहे. १० किलोमीटरपर्यंत १० रुपये तिकीट होते ते आता २० रुपये झाले आहेत. नॉन एसी बससाठी हे तिकीट आहे. तर एसी बससाठी ५ किमी अंतरापर्यंत ६ रुपये तिकीट होते याची किंमत आता १२ रुपये झाली आहे. १० किलोमीटरसाठी तुम्हाला २० रुपये मोजावे लागणार आहे. आजपासून ही भाडेवाढ लागू करण्यात आली आहे. बेस्ट बसची ही भाडेवाढ प्रवाशांच्या खिशाला मात्र फटका देणारी आहे.