गोरेगाव पश्चिमेतील एक धक्कादायक घटना समोर आली आहे. एका अभिनेत्याच्या मुलीचे अपहरण करण्याचा प्रयत्न करण्यात आला होता. या प्रकरणी आता एका ३६ वर्षीय पुरूषाला गोरेगाव पोलिसांनी ताब्यात घेतले आहे. आरोपी प्रवीण तरेकर हा केटरर म्हणून काम करतो.

हे अभिनेते आणि त्यांची मुलगी गोरेगाव येथे राहतात. त्यांची मुलगी पहिलीच्या वर्गात शिकते. शाळा संपल्यानंतर रोज सिंगिग क्लासेससाठी जाते. तिचा सिगिंग क्लास हा गोरेगावमधील आरे रोडवर आहे. ६ ते ७ वाजेपर्यंत तिचा क्लास असतो. क्लास संपल्यावर तिचे आईवडिल रोज तिला घ्यायला येतात.. परंतु एकदा कोणीतरी भलताच माणूस त्या मुलीला घेण्यासाठी आला होता.

नेमकं काय घडलं?

१० मार्चला तिचा क्लास संपल्यानंतर तिची आई तिला घरी घेऊन जाण्यासाठी आली होती. क्लास संपल्यानंतर मुलांनी काही वेळ खेळूयात असे ठऱवले. त्यामुळे मुलांना घेऊन जाण्यासाठी आलेले पालक बाहेरच त्यांची वाट पाहात होते. पालक एकमेकांशा गप्पा मारत असताना, शिक्षिका मुलीच्या आईकडे आली . तिने विचारले की, त्या दिवशी मुलीला घेऊन जाण्यासाठी कोणी इतर व्यक्ती आली होती का? मुलीच्या आईने नाही म्हटले. त्यानंतर शिक्षिकेने तिला सांगितले, की एक माणूस त्या दिवशी मुलीला घरी घेऊन जाण्यासाठी आला होता. यानंतर हा संपूर्ण प्रकार उघडकीस आला.

यानंतर, मुलीच्या आईला याचा मोठा धक्का बसला. तिने या संपूर्ण घटनेची माहिती पोलिसांना दिली. त्यानंतर गोरेगाव पोलिसांनी अधिक तपास करून त्या इसमाला ताब्यात घेतले आहे.

Edited By - Purva Palande