देशातील पहिला मुंबई–अहमदाबाद बुलेट ट्रेन प्रकल्प आता महाराष्ट्रात वेगाने पुढे सरकत आहे. पालघरच्या डहाणूजवळ तब्बल ४० मीटर लांबीचा आणि ९७० मॅट्रिक टन वजनाचा गर्डर बसवण्यात आला आहे. फुल स्पॅन बॉक्स लॉन्चिंग गेनट्रीच्या सहाय्याने बसवलेला हा गर्डर हा भारतातील सर्वात जड काँक्रीट स्ट्रक्चर मानला जात आहे.

भारतातील पहिल्या बुलेट ट्रेन प्रकल्पाला वेग आला आहे. मुंबई ते अहमदाबाद बुलेट ट्रेन लवकरच सुरू होणार आहे. बुलेट ट्रेन प्रकल्पामुळे मुंबई-अहमदाबादमधील अंतर अवघ्या काही तासांत पार करता येणार आहे. बुलेट ट्रेनच्या कामाला गती मिळाली असून, डहाणूच्या साखरे गावाजवळ हा गर्डर बसवण्यात आल्याची माहिती आहे.

महाराष्ट्रातील १०३ किलोमीटरच्या बुलेट ट्रेन प्रकल्पासाठी तब्बल २५७५ गर्डर बसवले जाणार आहेत. गुजरातमधून येताना बोईसर हे महाराष्ट्रातील पहिलं स्टेशन असणार आहे. या बुलेट ट्रेन प्रकल्पामुळे अवघ्या काही तासांत मुंबई अहमदाबादमधील अंतर अवघ्या काही तासांत गाठता येणार आहे. या प्रवाशांचा मोठा वेळ वाचणार आहे.

मागील काही वर्षे हा प्रकल्प रखडला होता. मात्र, गेल्या दोन वर्षांत बुलेट ट्रेन प्रकल्पाच्या कामाला गती मिळाली आहे. अशातच आता या प्रकल्पात लागणारा सर्वात जास्त लांबीचा गर्डर ठेवण्यात आल्यानं, या प्रकल्पाची गती अधिक वाढणार आहे. पश्चिम रेल्वेला पर्यायी रेल्वे म्हणून बुलेट ट्रेनकडे पाहिलं जातं. बुलेट ट्रेन प्रकल्प सुरू झाल्यास प्रवाशांचा मोठा वेळ वाचणार आहे.

सध्या सर्वात लांबीचा गर्डर जरी ठेवला असला तरी, आणखीन जवळपास अडीच हजार गर्डर ठेवण्याचं काम प्रलंबित आहे. २०२६ पर्यंत या प्रकल्पाचं काम पूर्ण होईल, अशी माहिती बुलेट ट्रेन प्रकल्प अधिकाऱ्यांकडून देण्यात आली आहे.