मुंबईत हक्काचे घर घ्यायचा विचार करत असाल तर तुमच्यासाठी अत्यंत महत्त्वाची बातमी आहे.म्हाडाच्या कोकण मंडळाच्या घरांसह, भूखंडाच्या सोडतीसाठी नोंदणी सुरु झाली आहे. तब्बल ५,२८५ घरांसह ७७ भूखंडासाठी नोंदणी सुरु झाली आहे. यासाठी अर्जविक्री-स्विकृती प्रक्रिया सुरु झाली आहे. दरम्यान, आता अर्ज करण्याची शेवटची तारीख वाढवून देण्यात आली आहे.

अंतिम तारीख वाढवली (MHADA Home Registration Deadline Increases)

आता म्हाडाच्या घरांसाठी अर्ज करण्याची शेवटची तारीख वाढवण्यात आली आहे. आता अजून १५ दिवस तुम्हाला अर्ज करता येणार आहे.सध्या अर्ज करण्याची शेवटची तारीख १४ ऑगस्ट होती.मात्र, ही मुदत वाढवून देण्यात आली आहे.आता तुम्हाला २८ ऑगस्टपर्यंत अर्ज करता येणार आहे.

आता घरांसाठी नोंदणी करण्याची शेवटची तारीख वाढवून देण्यात आली आहे. त्यामुळे आता घरांची सोडत १८ सप्टेंबरला निघणार आहे. याआधी सोडत ३ ऑगस्टला निघणार होती.

कोणत्या ठिकाणी किती घरे?

म्हाडाच्या कोकण मंडळाने घरे आणि भूखंडासाठी लॉटरी काढली आहे. यात २० टक्के सर्वसमावेशक योजनेतील ५६५ घरे, १५ टक्के एकात्मिक योजनेतील ३००२ घरे, म्हाडाच्या १६७७ प्रक्रिया सुरु केली आहे. याचसोबत ७७ भूखंडासाठीही अर्ज करण्याची मुदत वाढवली आहे. त्यामुळे नागरिकांना अजून १५ दिवस अर्ज करता येणार आहे.

लॉटरी कधी निघणार? (Mhada Lottery Annoucement Date)

अर्जप्रक्रिया पूर्ण झाल्यानंतर डॉ. काशीनाथ घाणेकर नाट्यगृहात ३ सप्टेंबर रोजी सोडत काढण्यात येणार होती. मात्र, आता ३ सप्टेंबरऐवजी १८ सप्टेंबर रोजी ही सोडत काढण्यात येणार आहे. तसेच १४ ऑगस्टऐवजी २८ ऑगस्टपर्यंत अनामत रक्कमेसह अर्ज भरता येणार एसल्याचे कोकण मंडळाच्या अधिकारी रेवती गायकर यांनी सांगितले आहे.