Kishor Aware Death Case Update: पुण्यातील मावळमध्ये भर दिवसा मुळशी पॅटर्नचा थरारक घटना पाहण्यास मिळाली. मावळमधील तळेगावमध्ये जनसेवा विकास समितीचे संस्थापक किशोर आवारे यांची हत्या करण्यात आली. या घटनेने संपूर्ण मावळ तालुका हादरुन गेला आहे.

या हत्ये प्रकरणी सध्या एक महत्वाची बातमी समोर येत असून किशोर आवारे यांच्या कुटूंबियांनी आमदार सुनील शेळके आणि त्यांच्या भावावर किशोर आवारे यांच्या हत्येचा कट रचल्याचा आरोप केला आहे.

याबाबत अधिक माहिती अशी की, मावळमध्ये (Maval) जनसेवा विकास समितीचे संस्थापक अध्यक्ष किशोर आवारे यांची भर दिवसा काल निर्घृण हत्या करण्यात आली. या घटनेने मावळ तालुक्यात खळबळ उडाली आहे. या हत्येनंतर पोलिस तपास करत असून रात्री उशिरा याबाबत गुन्हा दाखल करण्याच काम सुरू होते. (Latest Marathi News)

या हत्या प्रकरणात एक मोठी अपडेट समोर येत असून राष्ट्रवादीचे (NCP) आमदार सुनील शेळके (Sunil Shelke) यांनी या हत्येचा कट रचल्याचा आरोप किशोर आवारे यांच्या कुटूंबियांनी केला आहे. याबाबत किशोर आवारे यांची आई सुलोचना आवारे यांनी तळेगाव पोलीस ठाण्यात फिर्याद दिली आहे.

या फिर्यादीनुसार किशोर आवारे हत्येप्रकरणी श्याम निगडकर व त्यांचे तीन साथीदार यांच्यासह मावळचे राष्ट्रवादीचे आमदार सुनील शेळके, त्यांचे भाऊ सुधाकर शेळके व संदीप गराडे यांच्यावर गुन्हा दाखल करण्यात आला आहे. पोलिस याबाबतचा अधिक तपास करत आहेत. (Pune News)