अजय दुधाणे, साम टीव्ही

राज्यात एकीकडे महापालिका निवडणुकीची धामधूम सुरू असताना अंबरनाथ नगरपरिषदेत मोठी राजकीय घडामोड घडताना दिसत आहे. अंबरनाथ नगरपरिषदेत काँग्रेसच्या नगरसेवकांनी भाजपशी युती केली होती. त्यानंतर काँग्रेसकडून आज मंगळवारी या १२ नगरसेवकांचं निलंबन केलंय. काँग्रेसने निलंबित केल्यानंतर अंबरनाथचे शहराध्यक्ष प्रदीप पाटील हे १२ नगरसेवकांसह भाजपमध्ये प्रवेश करण्याची शक्यता व्यक्त केली जात आहे. त्यामुळे राजकीय वर्तुळात चर्चांना उधाण आलं आहे.

अंबरनाथमधील काँग्रेस आणि भाजपच्या युतीचे महाराष्ट्रभर पडसाद उमटत आहेत. भाजपशी करणाऱ्या काँग्रेस नेत्यावर वरिष्ठांनी मोठी कारवाई केली आहे. त्यानंतर अंबरनाथचे काँग्रेसचे शहराध्यक्ष प्रदीप पाटील हे 12 नगरसेवकांसह भाजपमध्ये प्रवेश करण्याची शक्यता व्यक्त करण्यात येत आहे. या अभद्र युतीनंतर काँग्रेसतर्फे 12 नगरसेवकांचे निलंबन होणार अशी चर्चा सुरू झाल्यानंतर खळबळ उडाली आहे.

अंबरनाथमध्ये नेमकं काय घडलं?

भाजप, काँग्रेस आणि अजित पवार गटाच्या राष्ट्रवादीने मिळून अंबरनाथ विकास आघाडीची स्थापना केली. भाजप आणि काँग्रेस एकत्रित आल्यानंतर काँग्रेस पक्षाकडून नगरसेवकांविरोधात मोठी कारवाई करण्यात आली. अंबरनाथच्या प्रदीप पाटील यांच्यासह १२ नगरसेवकांचे काँग्रेसमधून निलंबन करण्यात आलं.

काँग्रेस चिन्हावर निवडून आलेल्या १२ सदस्यांनी अंबरनाथ नगरपालिकेत भाजपासोबत परस्पर युती केली होती. भाजपासोबत युतीची घटना पक्षशिस्तीचा भंग करणारी असल्याने काँग्रेसची या सर्व सदस्यांविरोधात कारवाई केली. आता या 12 नगरसेवकांचे नगरसेवक बस जाते का राहते याकडे सर्वांचे लक्ष लागले आहेत.