दोन महिन्यानंतरही अजित पवारांच्या मृत्यूचं गूढ कायम आहे.. तर पोलीस व्हीएसआर कंपनीचा मालक रोहित सिंगवर एफआयआर दाखल करायला टाळाटाळ करत आहेत.. मात्र रोहित पवारांपाठोपाठ अजित पवारांचा मुलगा जय पवार यांनी व्हीएसआर कंपनीचा मालक रोहित सिंगला अटक करण्याची पहिल्यांदाच मागणी केल्यामुळे आता पुन्हा हे प्रकरण उचल खाण्याची शक्यता आहे.

खरं तर अजित पवारांच्या मृत्यूनंतर रोहित पवारांनी पॉवर पॉईंट प्रेझेंटेशन देत घातपाताचा संशय व्यक्त केला... एवढंच नाही तर पुराव्यांसह अनेक गौप्यस्फोट केले.. त्यामुळे या प्रकरणी आरोप प्रत्यारोपांचं मोहोळ उठलं होतं.. याच दरम्यान डीजीसीएच्या प्राथमिक रिपोर्टमध्ये व्हीएसआर कंपनीच्या तांत्रिक त्रुटींवर बोट ठेवलं... त्यामुळे रोहित पवारांनी व्हीएसआर कंपनीवर गुन्हा दाखल करण्याची मागणी केली.... तर जय पवारांनीही रोहित सिंगचा विमानाच्या पायलट सीटवर झोपा काढत असल्याचा व्हिडीओ जारी करत त्याच्या अटकेची मागणी केली होती.

दुसरीकडे अजित दादांच्या अपघाताबाबत रोहित पवारांकडून गौप्यस्फोटांची मालिका सुरू असताना जय पवारांनीही पत्रकार परिषद घेण्याचं जाहीर केलं.. मात्र अचानक ही पत्रकार परिषद रद्द केली.. त्यावरही जय पवारांनी भाष्य केलंय..

आतापर्यंत डीजीसीएनं व्हीएसआर कंपनीला दोषी ठरवलं असलं तरी एएआयबीच्या रिपोर्टमध्ये मात्र खराब हवामानाचं कारण दिलंय... त्यामुळे रोहित पवारांनंतर आता जय पवारांनीही या प्रकरणात उडी घेतल्यानं आता तरी व्हीएसआर कंपनीचा मालक रोहित सिंगला अटक होणार का? तसंच संपूर्ण अहवाल आल्यानंतर बोलणार असल्याचं सांगून जय पवार भविष्यात आणखी कुठले पत्ते बाहेर काढणार याची उत्सुकता वाढलीय.