काल राज्य उच्च माध्यमिक मंडळाने बारावीचे निकाल जाहीर केला आहे. बारावीच्या परीक्षेच्या महाराष्ट्रातील अनेक विद्यार्थ्यांनी यश मिळवलं आहे. अनेकांनी अनेक संकंटावर मात करुन हे यश मिळवलं आहे. बारावीच्या परीक्षेत पुण्यातील एका दृष्टीहीन विद्यार्थ्याने ८०.५० टक्के गुण मिळवले आहे. तर नागपूरच्या इम्तियाज खान या मुलानेदेखील दृष्टीहीन असतानाही चांगले गुण मिळवले आहे. त्याने ७९.८३ टक्के गुण मिळवले आहे.

पुण्याच्या अक्षय दंडवतेची कहाणी

पुणे शहरातील बी.एम.सी.सी. महाविद्यालयात वाणिज्य शाखेत शिक्षण घेत असलेल्या अक्षय दंडवते या दृष्टीहीन विद्यार्थ्याने अभूतपूर्व यश मिळवलं आहे.परीक्षेसाठी कुठल्याही लेखनिकाची मदत न घेता अक्षयने स्वतः संगणकाच्या मदतीने टाईप करून सगळे पेपर दिले आहेत.आज त्याला ८०. ५०% गुण मिळाले आहेत. महत्त्वाचं म्हणजे परीक्षेसाठी दृष्टीहीन विद्यार्थ्यांना लेखनिकाची सुविधा घेता येते.असं असलं, तरी अक्षयने ती सुविधा नाकारत स्वतः संगणकाच्या मदतीने पेपर देण्याचा निर्णय घेतला.स्वतःचे पेपर स्वतः दिले आणि हे यश संपादित केलं.' दृष्टीपेक्षा दृष्टिकोन महत्त्वाचा असतो' हे त्याने सिद्ध केलं आहे. त्याच्या या कामगिरीचं सर्वत्र कौतुक केलं जात आहे.

नागपूरच्या इम्तियाज खाननेदेखील ब्रेलच्या माध्यमातून केला अभ्यास

बारावीचा रिझल्ट लागला यात आंबेडकर विद्यालयातील कला शाखेतील इम्तियाज खान हा प्रज्ञाचक्षु असताना सुद्धा डोळस कामगिरी करून दाखवली. ब्रेलच्या माध्यमातून दैनंदिन सराव करत अभ्यास केला.यात त्याला 79.83 टक्के गुण घेऊन उत्तीर्ण झाला. त्याला भविष्यात न्याय मिळवून देण्यासाठी वकील होण्याचं स्वप्न उराशी बाळगतोय.

गणितात १०० पैकी १०० गुण

अनेकांना गणित ,संस्कृत, किंवा अकाउंट यासारखे विषय कठीण वाटत असेल तरी 100 पैकी 100 गुण मिळवणारी विद्यार्थ्यांची कामगिरी डोळ्याची पावर ठरली. यात विज्ञान शाखेतील अमोघ गोतमारे त्यांनी गणित विषयाचा दैनंदिन सराव करत 100 पैकी 100 गुण मिळवले. रुचिका बाकरे ह्या विद्यार्थिनीने वाणिज्य शाखेतून संस्कृत विषयात तसेच अकाउंट मध्ये पूर्णपैकी पूर्ण गुण मिळवत अभ्यासाचा मंत्र सांगितला.