सचिन जाधव, साम टीव्ही, प्रतिनिधी

पुण्यात वाहतूक कोंडीचा प्रश्न मोठा आहे. वाहतूक कोंडीमुळे पुणेकर अक्षशः वैतागले आहेत. रोज अनेक तास पुणेकरांचे वाहतूक कोंडीमुळे वाया जातात. यातच आता पुण्याची वाहतूक कोंडीपासून सुटका कधी होणार, असा प्रश्न अनेक नागरिकांनी उपस्थित केला आहे. याचेच उत्तर आता गृहमंत्री देवेंद्र फडणवीस यांनी एका कार्यक्रमात बोलताना दिलं आहे.

आज पुण्यात सात नवीन पोलीस स्टेशनचे उद्घाटन फडणवीस यांच्या हस्ते झाले. यावेळी बोलताना ते म्हणाले आहेत की, ''पुण्यात वाहतूक खूप वाढली आहे. यामध्ये अधिकारी वाढवायचा निर्णय घेतला आहे. एक अतिरिक्त आयुक्त, एक उपायुक्त देणार आहोत. त्यामुळे वाहतूक कोंडी सोडविण्यासाठी उपयोग होईल.''

याच कार्यक्रमात बोलताना देवेंद्र फडणवीस म्हणाले आहेत की, ''आजच आपण सायबर सेंटर सुरू करत आहोत. साडे सातशे कोटी रुपये खर्च करून उभा केला आहे. अनेकदा पैसे जातात येत नाही.'' ते म्हणाले, ''मागच्या काळात आपण गुगलसोबत एक करार केला आहे, त्यात आता एआय उपयोग कसा करायचा, याचं काम पण सोपं आहे. ट्रॅफिकसाठी याचा उपयोग होणार आहे. त्यात सगळं शक्य आहे. ड्रोनचा वापरही केला जाणार आहे.''

फडणवीस म्हणाले, ''देशात नवीन तीन कायदे आणले आहेत. पोलीस यांच्यावर जास्त जबाबदारी टाकली आहे. 2014 नंतर आपण निर्णय घेतल की, टेक्निकल पुरावे आपण गोळा करून गुन्हे सिद्ध करण्यास मदत होत आहे.''

ते पुढे म्हणाले, ''माझ्या काळात 40 हजार पोलीस भरती केली आहे आहे. कमी संख्या होती. गुन्हे घडताना दिसत आहे. गुन्हेगारी प्रवृत्ती आहे तोवर गुन्हे घडणार, त्यांना शिक्षा होते का? त्याची उखल होते का? लोकांना सेफ वाटतं का? हे महत्वाचे आहे.''