Pune Rain News: पुणे शहर परिसरातून एक मोठी बातमी समोर आली आहे. पुण्यात वादळी वाऱ्यासह मुसळधार पावसाला सुरूवात झाली आहे. पुणे शहरातील सिंहगड रोडवर मुसळधार पाऊस सुरू असून कोथरूड परिसरात गारांसह जोरदार पाऊस सुरू झाला आहे.अचानक आलेल्या पावसामुळे पुणेकरांची तारांबळ उडाली आहे. (Latest Marathi News)

याशिवाय कर्वेनगर आणि वारजे (Pune News) परिसरातही जोरदार गारपीट सुरू आहे. गेल्या दोन तीन दिवसांपासून पुण्यात दिवसा प्रचंड ऊन आणि रात्री प्रचंड गरमी जाणवत होती. मंगळवारपासून शहरातील कमाल तापमानाचा आकडाही चाळीशीमध्ये पोचला होता. त्यामुळे घराबाहेर पडल्यानंतर उन्हाचे चटके अंगाला बसत होते. (Breaking Marathi News)

गुरुवारी दुपारी तीन वाजण्याच्या सुमारास आकाश भरून आले आणि ढगांच्या कडकडाटासह पावसाने हजेरी लावली. त्यामुळे पुणेकरांची चांगली तारांबळ उडाली. कोथरूड, आंबेगाव पठार, कर्वे नगर, वारजेसह शहराच्या इतर भागात जोरदार पावसाने हजेरी लावली.

काही ठिकाणी गारांचा पाऊस (Rain) देखील झाला. दिवसभर घामेघूम झालेल्या पुणेकरांना वरूणराजाच्या आगमनाने काहीसा दिलासा मिळाला आहे. मात्र, अचानक झालेल्या पावसाने पुणेकरांची चांगली तारांबळ उडाल्याचे दिसून आले आहे.

दरम्यान, गेल्या काही दिवसांपासून राज्यातील तापमानात मोठी वाढ झाली आहे. एकीकडे तापमानाचा पारा वाढला असतानाच दुसरीकडे दररोज अनेक भागांमध्ये गारपीट आणि पाऊसही बरसतोय. या उकाड्यापासून नागरिकांना दिलासा मिळणार असल्याचे हवामान विभागाने सांगितले आहे. येत्या तीन-चार दिवसांत तापमानात घट होण्याचा अंदाज हवामान खात्यानं वर्तवला आहे.

Edited by - Satish Daud