Pune Fire News:

घरोघरी गणपती बाप्पा विराजमान झाले आहेत. गणरायाच्या सेवेत भाविक तल्लीन झालेत. सर्वत्र रांगोळी, मोदक, पेढे आणि विद्युत रोषणाईने झगमगाट झालीये. मात्र पुण्याच्या खेड तालुक्यातील एका घरात याच लायटींगने मोठी दुर्घटना घडली आहे. गणेशोत्सवासाठी घराला केलेल्या डेकोरेशनचा स्पोट होऊन एका तरुणाचा आगीत होरपळून मृत्यू झालाय. घटनेमुळे परिसरात हळहळ व्यक्त केली जात आहे.

खेडमधील बुद्रुक येथील दत्तनगर येथे राहणाऱ्या वैभव गरुड या ३५ वर्षीय तरुणाचा आगीत होरपळून मृ्त्यू झाला आहे. खेड पोलिस ठाण्यात याबाबत आकस्मित मृत्यूची नोंद करण्यात आली आहे. वैभवच्या पश्चात पत्नी आणि दोन लहान मुली असा परिवार आहे.

वैभव हा परिसरात सर्पमित्र म्हणून ओळखला जात होता. त्याने आपल्या घरी गणेशमुर्तीची प्रतिष्ठापणा केली होती. तसेच संपूर्ण घरात विद्युत रोषणाई केली होती. रात्री तो घरी एकटाच झोपला होता. यावेळी घरात अचानक स्पोट झाला आणि आग लागली या आगीत तरुणाचा होरपळून मृत्यू झाला आहे.

पतीच्या निधनाने पत्नीवर दोन मुलींची जबाबदारी आहे. ऐन गणेशोत्सवात ही घटना घडल्याने सर्वत्र हळहळ व्यक्त केली जात आहे.