Oshiwara Mall Fire: ओशिवरा मॉलला लागलेली आग विझवण्यासाठी गेलेले तीन जवान जखमी

>> संजय गडदे

Oshiwara Mall Fire:

मुंबईतील ओशिवरा येथील हीरा पन्ना मला आज दुपारी आग लागल्याची घटना घडली. या मॉलमध्ये लागलेली आग विझवण्यासाठी गेलेल्या मुंबई अग्निशमन दलाच्या तीन जवानांना प्रचंड धुरांच्या लोटा मुळे श्वास घेण्यास त्रास झाला यातच ते जखमी देखील झाले.

रुग्णवाहिकेच्या सहाय्याने या तीनही जवानांना रुग्णालयात दाखल करण्यात आले असून या तिघांचीही प्रकृती आता स्थिर असल्याचं रुग्णालय प्रशासनाकडून सांगण्यात आले.

संदीप मारुती पाटील, राजू उत्तम शिंगणकर आणि योगेश कोंडावार अशी धुरामुळे श्वास कोंडून जखमी झालेल्या अग्निशमन दलाच्या जवानांची नावे आहेत. (Latest Marathi News)

आज दुपारच्या सुमारास जोगेश्वरी भागातील हिरा पन्ना मॉलच्या दुसऱ्या मजल्यावर आग लागल्याची घटना घडली. मॉल काच बंद असल्यामुळे आग विझवण्यास अग्निशमन दलाला मोठे शर्तीचे प्रयत्न करावे लागले. अशातच मॉलमध्ये अडकलेल्या 20 पेक्षा अधिक नागरिकांना बाहेर काढत असताना अग्निशमन दलाच्या दुसऱ्या मजल्यावर आणि छतावर जाऊन सर्व नागरिकांची सुटका केली.

मात्र धुरांच्या प्रचंड लोटामुळे आणि संबंधाच्या जवानांना श्वास घेण्यास त्रास झाल्यामुळे ते जखमी झाले. या सर्व जखमी जवानांना महापालिकेच्या कूपर रुग्णालय, ट्रॉमा केअर रुग्णालय आणि कोकिलाबेन अंबानी रुग्णालय येथे विचारासाठी दाखल केले. या सर्वांचे प्रकृती स्थिर असल्याचे रुग्णालय प्रशासनाकडून देखील सांगण्यात आले आहे.