सचिन गाड

Mumbai Crime News:

महसूल गुप्तचर संचालनालयाने मुंबईत सोने तस्करी करणाऱ्यांवर मोठी कारवाई केली आहे. महसूल गुप्तचर संचालनालयाने केलेल्या कारवाईत ८.५ कोटी रुपयांचं १३.७ किलो सोनं जप्त केलं आहे. डीआरआयने मुंबई,पुणे आणि वाराणसी या तीन ठिकाणी ही कारवाई केली आहे. (Latest Marathi News)

मिळालेल्या माहितीनुसार, महसूल गुप्तचर संचालनालयाने ( DRI) सोने तस्करी करणाऱ्यांच्या मुसक्या आवळल्या आहेत. महसूल गुप्तचर संचालनालयाने केलेल्या कारवाईत 8.5 कोटी रुपयांचं १३.७ किलो सोनं जप्त केलं आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महसूल गुप्तचर संचालनालयाने केलेल्या मुंबई, पुणे आणि वाराणसीत केलेल्या कारवाईत एकूण पाच जणांना अटक केली आहे. पुण्यात पाच किलो सोने जप्त केले आहे. तर वाराणसीत ८.७ किलो सोने जप्त केलं आहे. महसूल गुप्तचर संचालनालयाने मुंबई आणि पुण्यात एकूण तिघांना अटक केली आहे. तर वाराणसीमध्ये दोन आरोपीला अटक केली आहे.

केनिया आणि टांझानियाच्या महिला तस्करांवर कारवाई

महसूल गुप्तचर संचालनालयाने तीन आठवड्यापूर्वी आफ्रिकन देशातून सोने तस्करी करणाऱ्यांवर मोठी कारवाई केली आहे.

महसूल गुप्तचर संचालनालयाने या कारवाईत ३ भारतीय ज्वेलर्ससह ४ केनिया महिला आणि एक टांझानियन महिलेला अटक केली. डीआरआयने सोने तस्करी प्रकरणी एकूण आठ जणांना अटक केली.