Pune Ganeshotsav News  Saam Tv
मुंबई/पुणे

Pune Ganeshotsav : 'डीजे'ला विसर्जन मिरवणुकीच्या दुसऱ्या दिवशीची परवानगी घेण्याची गरज नाही

DJ Permission Pune : पुणे पोलीस आयुक्त अमितेश कुमार यांनी गणेश विसर्जन मिरवणुकीसाठी नियोजनाबाबत महत्त्वाचे निर्णय जाहीर केले आहेत. या निर्णयांमुळे मंडळांना दिलासा मिळाला आहे.

Alisha Khedekar

  • विसर्जन मिरवणुकीच्या नियोजनासाठी टिळक रोडवर विशेष अधिकारी नेमले जातील.

  • डीजे परवानगी दहाव्या दिवसासाठी घेतलेलीच अकराव्या दिवसासाठी वैध राहणार.

  • मिरवणूक शक्य असल्यास रात्री १२ पर्यंत संपवण्याचा पोलिसांचा प्रयत्न.

  • दारू विक्री करणाऱ्यांवर कडक कारवाई; पोलिसांनी इशारा दिला.

गणेशोत्सव काही दिवसांवर येऊन ठेपला आहे. सर्वत्र गणरायाच्या आगमनासाठी लगबग सुरु झाली आहे. घरगुती गणपतींसह मंडळांकडूनही जय्यत तयारी सुरु आहे.या पार्श्वभूमीवर पुणे शहरात विसर्जन मिरवणुकीसाठी कडक नियोजन आखण्यात आलं असून, पोलिस आयुक्त अमितेश कुमार यांनी यासंदर्भात महत्वाचे निर्णय जाहीर केले आहेत. यावेळी त्यांनी टिळक रोडवरील मागील वर्षीच्या नियोजनातील त्रुटी मान्य करत यंदा अधिक काटेकोर नियोजन करण्याचा निर्धार व्यक्त केला.

काय म्हणाले पोलिस आयुक्त अमितेश कुमार ?

गणेशोत्सवाच्या पार्श्वभूमीवर खबरदारी म्हणून पुणे पोलीस आयुक्त अमितेश कुमार यांनी यासंदर्भात महत्वाचे निर्णय जाहीर केले आहेत. ते म्हणाले, " गणपती विसर्जन मिरवणुकीच्या दिवशी वापरण्यात येणाऱ्या डीजे सिस्टीमसाठी दुसऱ्या दिवशी वेगळी परवानगी घेण्याची आवश्यकता नाही. दहाव्या दिवशी मिळालेली परवानगी अकराव्या दिवशीसाठी वैध राहील यासंदर्भात लवकरच लिखित आदेश काढण्यात येतील. तसेच यंदाचा गणेशोत्सव पूर्णपणे निर्बंधमुक्त असणार आहे. मात्र, कार्यकर्त्यांनी स्वानुशासन पाळावे." असे आवाहन पुणे आयुक्तांनी केले आहे.

पुढे अमितेश कुमार म्हणाले," टिळक रोडवरील मिरवणूक रात्री १२ वाजेपर्यंत पूर्ण करण्याचा पोलिसांचा प्रयत्न असून, हे शक्य आहे की नाही हे माहीत नाही, पण नागरिकांचा पाठिंबा मिळाल्यास नक्कीच साध्य होईल. तसेच विसर्जन मिरवणुकीच्या दिवशी कोणताही व्यक्ती दारू विकत घेताना आढळल्यास संबंधित दुकानांवर कठोर कारवाई केली जाईल. आणि अशी कारवाई करु की त्या दुकानदाराच्या ७ पिढ्या विसरू शकणार नाहीत." असा कठोर इशाराही आयुक्तांनी दिला.

दरम्यान मिरवणुकीच्या दिवशी शाळांच्या आवारात वाहन पार्किंगची व्यवस्था करण्यावर विचार सुरु असून टिळक रोडवर एक स्वतंत्र स्वागत कक्षही उभारण्यात येणार असल्याचं पुणे पोलिस आयुक्त अमितेश कुमार म्हणाले आहेत. पुणे पोलिस दल हे सर्व गणेश भक्तांच्या पाठीशी ठामपणे उभं असून, शिस्त आणि सहकार्याच्या माध्यमातून यंदाचा गणेशोत्सव अधिक साजेसा आणि सुरक्षित करण्याचा निर्धार यावेळी पोलिस प्रशासनाने व्यक्त केला आहे.

पुणे पोलीस आयुक्त अमितेश कुमार यांनी विसर्जन मिरवणुकीबाबत कोणते निर्णय घेतले आहेत?

त्यांनी सांगितले की, यंदाच्या विसर्जन मिरवणुकीसाठी टिळक रोडवर अधिक काटेकोर नियोजन केले जाईल. मागील वर्षी काही त्रुटी झाल्या होत्या, त्या यंदा सुधारल्या जातील.

डीजे सिस्टीमसाठी दुसऱ्या दिवशी परवानगी लागेल का?

नाही. दहाव्या दिवशी मिळालेली परवानगी अकराव्या दिवशीसाठीही वैध राहील.

मिरवणुकीसाठी कोणती सुरक्षाव्यवस्था केली जाणार आहे?

शाळांच्या आवारात पार्किंग व्यवस्था करण्यात येणार असून टिळक रोडवर स्वागत कक्ष उभारले जातील.

दारू विक्रीबाबत काय धोरण आहे?

विसर्जन दिवशी दारू विक्री करणाऱ्या दुकानांवर कडक कारवाई केली जाईल, अशी सूचना पोलिस आयुक्तांनी दिली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

PAK vs BAN: बांगलादेश आऊट; फायनलमध्ये रंगणार भारत-पाकिस्तान सामन्याचा थरार

Unrest in Ladakh: लेह-लडाखमध्ये दहशत; भाजप कार्यालय जाळले, Gen-Z आंदोलन का उफाळलं?

MHADA Diwali Bonus: म्हाडा कर्मचाऱ्यांना दिवाळी बोनस जाहीर! खात्यात किती जमा होणार पैसा?

EPFO सदस्यांसाठी खूशखबर, आता ATMमधून काढा पीफचे पैसे

Maharashtra Politics: शिंदेंच्या बालेकिल्ल्यात रश्मी ठाकरे अॅक्टिव्ह नवरात्रीचं कारण की निवडणुकीची रणनीती?

SCROLL FOR NEXT