पुणे - महापालिकेच्या सर्वसाधारण सभेत नगरसेवकांच्या विकासकामांवरील नावावरून चांगलीच खडाजंगी झाली, नगरसेवकांच्या फलकबाजीवर Poster राष्ट्रवादीच्या NCP नगरसेवकांनी आक्षेप घेत जोरदार विरोध केला. तर सत्ताधारी भाजपने BJP या फलकबाजीचे चक्क उघडपणे समर्थन केले आहे. पुणे महापालिकेची Pune Corporation सर्वसाधारण सभा काल आणि आज प्रत्यक्ष सभासदांच्या उपस्थितीत पार पडली, शहरातील विकासकामांच्या मुद्द्यावर चर्चा होत असताना नगरसेवकांच्या फलकबाजी या विषयावरून सत्ताधारी आणि विरोधक यांच्यात चांगलीच जुंपली, यावेळी शहरातील विकासकामं होणं गरजेचं आहे.

हे देखील पहा -

मात्र एकाच कामाच्या ठिकाणी 3 ते 4 नगरसेवक फलक लावतात, एकाच ठिकाणी पुन्हा पुन्हा काम करुन बिले काढतात, भाजपच्या नगरसेवकांची फलकबाजी म्हणजे पुणेकर जनतेची फसवणूक आहे, तसेच पूर्वीही विकासकामं होतीच पण या विकासकामांना राजकीय रंग नव्हते, असा आरोप विरोधकांनी केला आहे.

तर नागरिकांसाठी आम्ही विकासकामे करतो, त्यांना कळायला हवे आपल्या भागात लोकप्रतिनिधींनी काय कामे केली आहेत. भाजपच्या नगरसेवकांची संख्या अधिक आहे. त्यामुळे फलक अधिक दिसणारच, यापुढेही असेच चित्र दिसेल त्याची सवय करुन घ्या आणि ज्या पक्षाने संधी दिली, त्या पक्षाचा रंग आणि चिन्ह आम्ही लावणारच असा टोला सत्ताधारी भाजपने विरोधकांना लगावला आहे.

Edited By - Shivani Tichkule