क्रिकेटचा देव सचिन तेंडुलकरच्या (Sachin Tendulkar) घरी लग्नाची धामधुम सुरु आहे. सचिन तेंडुलकरचा लेक अर्जुन तेंडुलकर लवकरच लग्न करणार असल्याचे समोर आले आहे. काही दिवसांपूर्वीच अर्जुनचा साखरपुडा झाल्याचे वृत्तदेखील समोर आले होते. दरम्यान, या लग्नाच्या धामधुमीत अंजली तेंडुलकरने विरारमध्ये नवीन घर खरेदी केले आहे.

Zapkey.com च्या माहितीनुसार, अंजले तेंडुलकरने मुंबईजवळील विरार येथे फ्लॅट खरेदी केला आहे. या अपार्टमेंटची किंमत जवळपास ३२ लाख रुपये आहे.विरारमधील पेनिन्सुला हाइट्स या बिल्डिंगमध्ये हे अपार्टमेंट खरेदी करण्यात आले असल्याचे सांगितले जात आहे.

अंजली तेंडुलकरने खरेदी केलेल हे अपार्टमेंट ३९१ चौरस फूट आकाराचे आहे. पेनिन्सुला हाइट्सच्या तिसऱ्या मजल्यावर अंजली तेंडुलकरने हा फ्लॅट खरेदी केला आहे. कागदपत्रांनुसार, ३० मे २०२५ रोजी या फ्लटॅसाठी रजिस्ट्रेशन झाले होते. त्यामुळे अर्जुनच्या साखरपुड्याआधीच हा फ्लॅट घेण्यात आला आहे. घर खरेदी करताना अंजली तेंडुलकरला स्टॅम्प ड्युटीवर सूट मिळाली आहे. स्टॅम्प ड्युटीवर महिला खरेदीदार म्हणून सचिनच्या पत्नीला एक टक्का सवलत मिळाली आहे.

सचिनच्या घरी लवकरच लगीनघाई

सचिन तेंडुलकरच्या घरी लवकरच लग्नसराई सुरु होणार असल्याचे समोर आले आहे. अर्जुन तेंडुलकरचा साखरपुडा झाला आहे. सानिया चंडोकसोबत तो लग्नगाठ बांधणार असल्याचे सांगितले जात आहे. सानिया चंडोक ही रवी घई यांची नात आहे.