Palghar News : पाकिस्तानातून सुटका झालेल्या 198 भारतीय खलाशांपैकी पाच जण हे पालघर जिल्ह्यातील आहेत. आज (बुधवार) ते त्यांच्या मूळ गावी पोहचले. यावेळी कुटुंबियांमध्ये आनंदाचे वातावरण हाेते. (Maharashtra News)

पाकिस्तानच्या लांडी तुरुंगातून 11 मे रोजी या पाचही खलाशांना सोडण्यात आले होते. या पाच खलाशांमध्ये जयवंत जाना पाचालकर ,जितेश जयवंत पाचालकर, विलास महादू कोंढारी हे तीन खलाशी (palghar) तलासरी तालुक्यातील आहेत. तर जितेश राघू दिवा, अर्जुन काकड्या डावऱ्या हे दोन खलाशी डहाणू तालुक्यातील आहेत.

यामध्ये पाचालकर पिता पुत्रांचा समावेश असून हे दोघेही डिसेंबर 2019 पासून शिक्षा भागवत होते. त्यांची सुटका झाल्यानंतर त्यांना वाघा बॉर्डरहून पंजाब आणि त्यानंतर गुजरात राज्यातील वेरावळ येथे आणण्यात आले.

सोमवारी रात्रीपर्यंत या खलाश्यांची चौकशी पूर्ण केल्यानंतर त्यांना बोट मालकाकडे सोपविण्यात आले. आज (बुधवार) हे पाचही खलाशी आपली शिक्षा भोगून आपल्या घरी पोहोचले.

Edited By : Siddharth Latkar