कल्याणमधून धक्कादायक घटना समोर आली आहे. कल्याणच्या पूर्वेतील मेट्रो रेसिडेन्सी या इमारतीतील खळबळजनक प्रकाराने परिसरात एकच खळबळ उडाली आहे. या इमारतीत २८ वर्षीय तरुणीने आत्महत्या केल्याचे समोर आलं आली आहे. आजाराने त्रस्त झालेल्या तरुणीने नैराश्यातून टोकाचं पाऊल उचललं.

कल्याणी झा असे आत्महत्या केलेल्या तरुणीचे नाव आहे. तिने आज शुक्रवारी इमारतीच्या टेरेसवरुन खाली उडी मारून आयुष्य संपवलं. कल्याण कोळसेवाडी परिसरात हा संपूर्ण प्रकार घडला. इमारतीवरून उडी मारल्यानंतर गंभीर जखमी झालेल्या तरुणीला तात्काळ रुग्णालयात दाखल केले. मात्र, रुग्णालयात उपचारापूर्वीच तिचा मृत्यू झाल्याचे घोषित केले.

मिळालेल्या माहितीनुसार, कल्याणी झा गेल्या काही काळापासून आजारानं त्रस्त होती. ती 15 दिवसांपूर्वी उपचारासाठी दिल्लीहून बहिणीकडे कल्याण येथे आली होती. आज शुक्रवारी अचानक तिने इमारतीच्या टेरेसवरून उडी मारून आयुष्य संपवण्याचा निर्णय घेतला.

घटनेची माहिती मिळताच कोळसेवाडी पोलिसांनी घटनास्थळी धाव घेतली आहे. कल्याण पोलिसांकडून आता आत्महत्येचे नेमके कारण शोधले जात आहे.

तरुणीच्या आत्महत्येनेतर स्थानिक रहिवाशांमध्ये खळबळ उडाली आहे. नागरिकांकडून या प्रकरणात पोलिसांना सहकार्य केलं जात आहे. या प्रकरणात इमारतीच्या सुरक्षा कर्मचार्‍यांची देखील विचारपूस केली जात आहे. या प्रकरणामुळे मानसिक आरोग्याचा मुद्दा पुन्हा एकदा चर्चेत आला आहे.