Sports legend Death : भारताच्या स्टार खेळाडूचं निधन, क्रीडा विश्वावर शोककळा

Manuel Frederick Passes Away: हॉकी जगतातून एक दुखद वार्ता हाती आली आहे. १९७२ म्यूनिख ओलंपिकमध्ये भारताची मान उंचावणारे ब्रॉन्ज मेडलिस्ट मॅन्यूएल फ्रेडरिक यांचं निधन झालं आहे. मॅन्यूएल यांनी ३१ ऑक्टोबर रोजी शेवटचा श्वास घेतला. गेल्या १० महिन्यांपासून त्यांची प्रोस्टेट कॅन्सरशी झुंज देत होते. भारताचे स्टार खेळाडू मॅन्यूएल यांनी वयाच्या ७८ व्या वर्षी जगाचा निरोप घेतला आहे. त्यांच्या निधनाने भारतीय हॉकी जगतात शोककळा पसरली आहे.

मॅन्यूएल फ्रेडरिक यांचा जन्म २० ऑक्टोबर १९४७ रोजी केरळच्या कन्नूर जिल्ह्यातील बारनासीरीमध्ये जन्म झाला. फ्रेडरिक भारतासाठी कांस्य पद जिंकणारे केरळचे पहिले खेळाडू होते. त्यांच्यानंतर केरळमध्ये जन्माला आलेल्या पीआर श्रीराजेश यांनी टोकयो २०२० आणि पॅरिस ऑलिम्पिकमध्ये कांस्य पदक जिंकलं होतं. भारतासाठी भरीव योगदान देणारे फ्रेडरिक यांना २०१९ साली क्रीडा मंत्रालयाने 'ध्यानचंद जीवन गौरव पुरस्काराने सन्मानित करण्यात आलं होतं.

हॉकी इंडियाचे अध्यक्ष दिलीप तिर्की यांनी त्यांच्या निधनावर शोक व्यक्त केला. 'मॅन्यएल फ्रेडरिक हे भारताचे चांगले गोलकीपर्सपैकी एक खेळाडू होते. भारतीय हॉकीसाठी त्यांनी चांगलं योगदान दिलं. त्यांच्या कामगिरीने अनेक खेळाडूंना प्रेरणा दिली. टीम हॉकी इंडियाकडून मी त्यांच्या कुटुंबीयाप्रती संवेदना व्यक्त करतो. भारताने हॉकीचा महान खेळाडू गमावला आहे. त्यांच्या आठवणी सदैव राहतील, असे त्यांनी म्हटलं.

हॉकी इंडियाचे महासचिव भोला नाथ सिंह यांनी श्रद्धांजली व्यक्त केली आहे. त्यांनी म्हटलं की, 'त्यांचं निधन हॉकीच्या जगासाठी दुखद बाब आहे. मॅन्यूएल फ्रेडरिक यांनी मेहनत आणि समर्पण, केरळसारख्या गैर-पारंपरिक हॉकी राज्यात अनेक खेळाडूंना प्रेरणा दिली. त्यांनी केलेली देशसेवा नेहमी लक्षात राहील. आम्ही कठीण काळात त्यांच्या कुटुंबीयांसोबत आहोत'.