- अक्षय शिंदे

जालना येथे आयाेजिलेल्या एसआरपीएफची भरती प्रक्रिया याेग्य पद्धतीने हाेत नसल्याचा दावा करत आज (मंगळवार) एसआरपीएफ गेटनंबर तीन समोरील रस्त्यावर उमेदवारांनी एकत्र येत जोरदार घोषणाबाजी केली. ही भरती प्रक्रिया पुढे ढकलण्याची मागणी देखील विद्यार्थ्यांनी साम टीव्हीशी बाेलताना केली.

जालना येथे आज एसआरपीएफची 248 जागांसाठी भरती प्रक्रिया राबविण्यात येत आहे. या भरती प्रक्रियेमध्ये मैदानी चाचणी मधील 100 मीटर धावणे क्रीडा प्रकारात गैरप्रकार होत असल्याची भावना विद्यार्थ्यांमध्ये निर्माण झाली. त्यातून काही उमेदवारांनी प्रक्रियेवर शंका व्यक्त केली. यामध्ये बुलढाणा, शनी शिंगणापूर आदी भागातील विद्यार्थ्यांची लक्षणीय संख्या आहे.

युवक म्हणाले आम्ही तक्रार केली त्याला 5 तास उलटून गेले आहेत. एकही अधिकारी आमची तक्रारीची दखल घेण्यासाठी आला नाही. आम्हांला फक्त मॅडम येतील त्यांच्याशी बाेला असं सांगितलं जात आहे. ही भरती प्रक्रिया स्थगित किंवा रद्द करावी अशी आमची मागणी असल्याची युवकांनी स्पष्ट केले.

Edited By : Siddharth Latkar