Wardha Rasta Roko Andolan : युवकाच्या हत्येच्या निषेर्धात देवळीत बसपाचा रास्ता राेकाे, 'त्या' झोपड्या उठविण्याची आंदाेलकांची मागणी

- चेतन व्यास

वर्धा जिल्ह्यातील देवळी येथे साेमवारी युवकाची दगडाने ठेचून हत्या करण्यात आली. या घटनेचा निषेध नाेंदविण्यासाठी आज (मंगळवार) बसपाने देवळी येथे रास्ता रोको आंदोलन छेडले. या आंदाेलनामुळे वाहतुक काही काळ विस्कळीत झाली. दरम्यान संशयितावर कडक कारवाई करावी अशी मागणी आंदाेलकांनी केली आहे.

देवळी येथील पोलिस वसाहत समोर एका युवकाची साेमवारी दगडाने ठेचून हत्या करण्यात आली या घटनेप्रसंगी एका महिला देखील जखमी झाली. पाेलिसांकडून मिळालेल्या माहितीनूसार करण कैलाश मोहिते असं संशयिताचे नाव आहे. ताे देवळीच्या तहसील कार्यालयासमोरील झोपडपट्टी येथे वास्तव्यास आहे.

या घटनेचे निषेध नाेंदविण्यासाठी आज देवळीतील बसपाने रास्ता रोको आंदोलन केले. डॉक्टर बाबासाहेब आंबेडकर चौकात हे आंदोलन करण्यात आले. यावेळी देवळी शहराच्या तहसील कार्यालया समोरील झोपड्या उठविण्याची मागणी आंदाेलकांनी केली.

Edited By : Siddharth Latkar