संजय राठोड, साम टीव्ही
यवतमाळ शहरातून एक धक्कादायक घटना समोर आली आहे. अज्ञात आरोपींनी भररस्त्यात एका शिवसैनिकाची चाकूने सपापसप वार केले. या घटनेत शिवसैनिकाचा जागीच मृत्यू झाला आहे. थरकाप उडवणारी ही घटना गुरुवारी रात्रीच्या सुमारास घडली आहे. या घटनेनं परिसरात मोठी खळबळ उडाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
योगेश नरहरी काटपेलवार (३६) रा. देवीनगर लोहारा असे मृताचे नाव आहे. योगेशचा खून जुन्या वादातून झाला असावा, असा संशय पोलिसांनी (Police) व्यक्त केला आहे. योगेश यांचा मृतदेह घटनास्थळावरून शासकीय रुग्णालयात पाठविण्यात आला आहे.
पोलिसांनी तत्काळ तपास हाती घेत मारेकरी कोण याची माहिती गोळा करण्यास सुरुवात केली आहे. शिवाय घटनास्थळाच्या आजूबाजूला असलेल्या एका संशयितासह महिलेलाही चौकशीसाठी ताब्यात घेण्यात आले आहे. पुढील तपास ग्रामीण पोलीस स्टेशन यवतमाळ करीत आहे.
वीज वितरणच्या कंपनीच्या सहायक अभियंत्याला एका शेतकऱ्याने केबल वायरने बेदम मारहाण केली आहे. यवतमाळच्या राळेगाव तालुक्यातील पिंपरी-सावित्री येथील घटना घडली आहे. या घटनेचा व्हिडीओ देखील समोर आला आहे.
शेतकऱ्यांनी वीज जोडणीसाठी महावितरणकडे केला होता. वेळेवर वीज जोडणी न केल्याने शेतकऱ्याने तात्पुरता केबल टाकून शेतात वीजजोडणी केली होती. हा प्रकार सहायक अभियंत्याच्या लक्षात आला.
यावेळी कारवाईसाठी गेलेल्या सहायक अभियंत्यावर शेतकऱ्यांने हल्ला केला. या प्रकरणी राळेगाव पोलिसात गुन्हा दाखल करणअयात आला आहे. या घटनेनंतर महावितरणच्या अधिकारी-कर्मचाऱ्यांमध्ये भीतीचे वातावरण आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.