चेतन व्यास 
वर्धा : काहीही झाले तरी चालेल, परंतु सोयाबीन कापसाच्या प्रश्नावर एक वेळेस विदर्भ बंद करून दाखवू हे सरकारला माझ आव्हान आहे; असे वक्तव्य देवळी येथील (Farmer) शेतकरी संघर्ष यात्रेच्या समारोपीय एल्गार सभा दरम्यान शेतकरी नेते (Ravikant Tupkar) रविकांत तुपकर यांनी केले. (Latest Marathi News)

वर्धा येथे शेतकऱ्यांच्या प्रश्नावर एल्गार सभेचे आयोजन करण्यात आले होते. या सभेमध्ये रविकांत तुपकर यांनी सरकारला इशारा दिला आहे. विदर्भाने महाराष्ट्राला चळवळी शिकवल्या आहेत. आज विदर्भातील चळवळी लुप्त होत चाललेल्या आहे. विदर्भाचा आदर्श घेऊन पश्चिम महाराष्ट्रात ऊस तसेच कांद्याबाबत चळवळी होत आहे. त्यामुळे माझं स्वप्न एक आहे. ज्याप्रमाणे जामुवंतराव धोटे यांच्या हाकेवर एका वेळेस विदर्भ बंद होत होता. त्याप्रमाणे (Soyabean) सोयाबीन, कापसाच्या प्रश्नावर एका वेळेस विदर्भ बंद झाला पाहिजे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आता विदर्भात लक्ष 

मी आमदार, खासदार नाही झालो तरी चालेल. त्याने काही फरक पडत नाही. परंतु विदर्भात चळवळी उभ्या झाल्या पाहिजे. आता महाराष्ट्रात फिरून पुष्कळ झाले. आता विदर्भात मी लक्ष देणार आहे.