चेतन व्यास 
वर्धा : रात्रीच्या वेळी घरी एकटी राहण्यापेक्षा महिला शेजारच्या घरी रात्री घराला कुलूप लावून झोपायला गेली. घराला कुलूप लागल्याच दिसताच चोरट्यानी डाव साधत घरातील रोख रकमेसह दागिन्यावर हात साफ केला. ही घटना वर्धा जिल्ह्याच्या हिंगणघाट येथील तुकडोजी वार्डात घडली. यात चोरट्यानी कपाटात मुलाच्या शाळेच्या फिसचे ठेवलेली रक्कम देखील लंपास केली आहे. 

वर्ध्याच्या (Wardha) हिंगणघाट येथील तुकडोजी वार्डातील रहिवासी प्रदीप भुसारी हे गिमा टेक्स या कंपनीत फिटर पदावर कार्यरत आहे. दरम्यान रविवारी रात्री प्रदीप यांनी आज डबल ड्युटी करत असल्याने घरी येणार नसल्याचे पत्नीला सांगितले. पती घरी येणार नसल्याने पत्नीने घराला कुलूप लावत शेजारी घरी झोपायला गेल्या. मात्र आज सकाळी त्या आपल्या घरी परत आल्या, तर त्यांना घरातील मुख्य दरवाज्याचे कुलूप तुटलेले दिसले. यानंतर त्यांनी घरात जाऊन पहिले असता चोरी झाल्याचे निदर्शनास (Crime news) आले. 

पोलिसांकडून तपास सुरु 
घरातील कपाटात ठेवलेली रोख आणि सोन्याच्या दागिन्यावर चोरट्यानी हात साफ केल्याचं निदर्शनास आले. या घटनेत चोरट्यानी मुलाच्या शाळेच्या शैक्षणिक फी साठी ठेवलेले २७ हजाराची रक्कम लंपास केली आहे. घटनेची माहिती हिंगणघाट पोलिसांना देण्यात आली. पोलिसांनी घटनास्थळी येत तपासाला सुरवात केली आहे. हिंगणघाट (Police) पोलिसात अज्ञात चोरट्यावर गुन्हा दखल करण्यात आला असून मागील काही दिवसांपासून हिंगणघाट शहरात चोरीचे प्रमाण वाढले आहे. पोलिसांनी यावर तात्काळ कारवाई करण्याची मागणी केली जातं आहे.