अक्षय बडवे

Pune Crime News Today: पुण्यात सराईत चोरट्याकडून विश्रांतवाडी पोलिसांनी वाहनचोरीसह मोबाईल चोरीचे सात गुन्हे उघडकीस आणले आहे. या चोरट्याकडून पोलिसांनी पावणे दोन लाखांचा मुद्देमाल जप्त केला आहे. या प्रकरणी सुलतान उर्फ हाफिज मोहम्मद शेख याला विश्रांतवाडी पोलिसांनी अटक केली आहे. (Latest Marathi News)

या सराईत आरोपीवर शहरात यापूर्वी 20 गुन्हे दाखल असून विश्रांतवाडी पोलिसांनी (Police) आणखी सात गुन्हे तपासात उघड केले आहेत. मिळालेल्या माहितीनुसार, 23 मे रोजी पुण्यातील (Pune) शांतीनगर येथील रस्त्यावर दुचाकी वरील एक इसम हातात कोयता घेऊन दहशत निर्माण करत असल्याची माहिती पोलिसांना मिळाली.

त्यानुसार पोलिसांनी या आरोपीला ताब्यात घेतले. त्याच्याकडे अधिक तपास केला असता तो पूर्व रेकॉर्डवरील सराईत गुन्हेगार असून त्याच्याजवळ एक लोखंडी कोयता, पाच मोबाईल, एक दुचाकी असा मुद्देमाल जप्त केला आहे. (Pune News)

सुलतानवर यापूर्वीचे एकूण वीस गुन्हे दाखल. त्याच्याजवळ 14 वेगवेगळ्या कंपनीचे महागडे मोबाईल, एक दुचाकी असा एकूण 1 लाख 60 हजार 890 रुपयांचा मुद्देमाल हस्तगत करण्यात आला आहे.

सुलतानवर यापूर्वीचे एकूण 20 गुन्हे दाखल असून विश्रांतवाडी पोलिसांनी केलेल्या तपासात विमानतळ, भारती विद्यापीठ, बिबेवाडी पोलीस स्टेशनकडील प्रत्येकी एक, तर लोणीकंद मार्केटयार्ड पोलीस ठाण्याकडे दोन असे एकूण सात गुन्हे उघडकीस आले आहेत. त्याच्याजवळ मिळालेली दुचाकी हीदेखील बिबवेवाडी येथून चोरी केल्याचे त्याने कबूल केले. (Marathi News)