- अक्षय सावकार

पुण्यातील बांधकाम व्यवसायिक विशाल अग्रवाल याच्यासोबत बांधकाम व्यवसायात कोणाची भागीदारी आहे? यासोबतच अग्रवालनं कोणत्या राजकीय पक्षांना पैसा पुरवला? याचा खुलासा झाला तर पुण्यातील कल्याणीनगर येथील अपघातामधील संशयितांना वाचवणारी सर्वच नाव समोर येतील असे वंचित बहुजन आघाडीचे अध्यक्ष प्रकाश आंबेडकर यांनी अकाेला येथे नमूद केले.

प्रकाश आंबेडकर पुढं बाेलताना म्हणाले डॉ. जोंधळे यांना मारणाऱ्या लोकांचा शोध घेतला तर अनेक नवीन खुलासे होतील. या प्रकरणात सध्या अजित पवारांवर होत असलेल्या आरोपांवर बाेलणे प्रकाश आंबेडकर यांनी टाळले.

ते म्हणाले सध्या पोलिस सांगतात त्याच नावांवर विश्वास ठेवावा लागेल. दरम्यान बेदरकारपणे वाहन चालवण्यासंदर्भात नवा कायदा जोपर्यंत होत नाहीय तोपर्यंत अशी प्रकरण घडतच राहतील असेही आंबेडकर यांनी नमूद केले.

Edited By : Siddharth Latkar