रत्नागिरी : शिवसेना पक्ष मजबूतीने उभा आहे. जे आमदार खरेदी विक्रीच्या बाजारत विकले गेले त्याची आम्हांला अजिबात चिंता नाही. सन 1966 कालावधीतील शिवसेना आहे. हे गृहित धरुन आम्ही पुन्हा शिवसेनेची उभारणी करणार आहाेत. मध्यावधी निवडणुका झाल्यास पक्षप्रमुख उद्धव ठाकरे यांच्या नेतृत्वाखाली जनता शिवसेनेचे शंभर आमदार निवडून देतील असा विश्वास खासदार विनायक राऊत यांनी येथे व्यक्त केला. (vinayak raut latest marathi news)

खासदार विनायक राऊत म्हणाले रत्नागिरी (Ratnagiri) येथील शिवसेना (Shivsena) ही पक्षप्रमुख उद्धव ठाकरे (Uddhav Thackeray) यांची शिवसेना आहे. ज्यांनी सेनेतून बंडखाेरी केली त्यांचा हिशाेब जनताच करेल. एका प्रश्नास उत्तर देताना राऊत म्हणाले उदय सामंत यांनी शिवसेना वाढविली नाही तर शिवसेनेने उदय सामंत यांना वाढविले.

उदय सामंत म्हणजे आयत्या बिळातील नागोबा म्हणावे लागेल. त्यांना शिवसेनेत आहे असे म्हणण्याचा नैतिक अधिकार नसल्याचे खासदार राऊत यांनी नमूद केले. ते म्हणाले रत्नागिरीतील शिवसेना भक्कम आहे. जे आमदार खरेदी विक्रीच्या बाजारत विकले गेले त्याची आम्हांला अजिबात चिंता नाही.

मध्यावधी निवडणुका झाल्यास आम्हांला खात्री आहे पक्षप्रमुख उद्धव ठाकरे यांच्या नेतृत्वाखाली शिवसेनेचे शंभर आमदार महाराष्ट्रातील जनता निवडून देईल असा विश्वास देखील खासदार विनायक राऊत यांनी व्यक्त केला.

Edited By : Siddharth Latkar