- विनायक वंजारे

Uday Samant News : मुख्यमंत्री एकनाथ शिंदे ज्या ठिकाणी उभे राहतील त्या ठिकाणावरुन ते निवडून येतील. मुख्यमंत्र्यांनी 288 मतदारसंघात कुठेही उभे राहावे ते फार मोठ्या मताधिक्याने निवडून येऊ शकतात हे संपुर्ण चित्र महाराष्ट्रात आहे असा विश्वास उद्याेग मंत्री उदय सामंत (uday samant latest news) यांनी व्यक्त केला आहे. (Maharashtra News)

युवा सेना प्रमुख आमदार आदित्य ठाकरे यांनी मुख्यमंत्री एकनाथ शिंदे यांना आव्हान देत आपल्या समोर निवडणुकीत उभं राहा असे गुरुवारी काेकण दाै-यावर असताना म्हटलं हाेते. त्याला प्रत्युत्तर देताना उदय सामंत यांनी आदित्य ठाकरेंवर निशाणा देखील साधला.

मंत्री उदय सामंत म्हणाले मुख्यमंत्री एकनाथ शिंदे सकाळी उठल्या पासून अठरा-अठरा, वीस वीस तास काम करतात. त्यांना दिवसातून चार तास काम करणाऱ्या लोकांनी शिकवू नये. वरळी मध्ये घोडा मैदान जवळ आहे. त्यामुळे एकनाथ शिंदे यांनी त्यांना उत्तर देण्याची गरज नाही असा टोलाही नाव न घेता आदित्य ठाकरेंना (aditya thackeray in kokan) लगावला.

सामंत पुढे बाेलताना म्हणाले मुख्यमंत्री एकनाथ शिंदे ज्या ठिकाणी उभे राहतील त्या ठिकाणी ते निवडून येतील. 288 मतदार संघात कुठेही ते उभे राहिले तरी फार मोठ्या मताधिक्याने निवडून येऊ शकतात. हे संपुर्ण चित्र महाराष्ट्रात आहे.

मात्र स्वतःच्या वरळी मतदारसंघात सध्या परिस्थिती काय आहे, बिडीडी चाळीचा प्रश्न असेल, सिलिंक खाली कोळी बांधव आहेत त्यांचा प्रश्न काय आहे याकडे लक्ष देण्याची गरज आहे असेही ठाकरेंचे नाव घेता सामंतांनी आदित्य ठाकरेंवर निशाणा साधला. यावेळी सामंत यांनी राज्यातील नागरिकांना गणेशाेत्सवाच्या (ganeshotsav) शुभेच्छा दिल्या.

Edited By : Siddharth Latkar