Swabhimani Shetkari Sanghatana News : परभणी शहर वाहतूक शाखेचे कामकाज अयाेग्य पद्धतीचे असल्याचा आराेप करत आज (गुरुवार) स्वाभिमानी शेतकरी संघटनेने रास्ता राेकाे आंदाेलन छेडले. यावेळी आंदाेलकांनी पाेलिसांच्या कारवाईवर तीव्र नाराजी व्यक्त केली. (Maharashtra News)
परभणी गंगाखेड मार्गावर खेड्यापाड्यात जाणाऱ्या ऑटो, जीप चालत असतात. आज पोळा असल्याने गावकरी, शेतकरी खरेदीसाठी परभणी शहरात आले होते. पोलिसांनी या गाड्या थांबवून वसुली मोहिम सुरू केली.
त्यामुळे काही गावकरी रस्त्यावर अडकून पडले होते. ही घटना स्वाभिमानी शेतकरी संघटनेच्या कार्यकर्त्याला कळल्यावर गावकऱ्यांसह त्यांनी रास्ता रोको आंदोलन छेडले. यावेळी काही काळ वाहतुकीची व्यवस्था विस्कळीत झाल्याचे पहायला मिळाले.
दरम्यान पाेलिसांनी नियमांचे पालन करणा-यांना नाहक त्रास देऊ नये अन्यथा स्वाभिमानी शेतकरी संघटना तीव्र आंदाेलन छेडेल असा इशारा आंदाेलकांनी दिला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.