सोलापूर : अक्कलकोट (akkalkot) तालुक्यातील शिरवळ येथील दरोड्यासह (burglary) हन्नुर ,चपळगाव , पानमंगरुळ , तडवळ तसेच मोहोळ (mohol) तालुक्यातील सौंदणे येथील घरफोडी अशा गुन्ह्यांची उकल करून १८ लाख ७६ हजार ८०० रुपयांचा मुद्देमाल हस्तगत करण्यात स्थानिक गुन्हे शाखा (local crime branch) सोलापुर ग्रामीणच्या (solapur rural police) पथकाला यश आले आहे. (solapur latest marathi news)

अक्कलकोट तालुक्यातील शिरवळ येथे सहा दरोडेखोरांनी घरात प्रवेश करून शांताबाई दत्तात्रय परुळेकर यांच्यासह त्यांचे पतींना मारहाण करून ३ लाख १६ हजाराचा मुद्देमाल चोरून नेला होता. या गुन्ह्याच्या अनुषंगाने तपास करत असता गुप्त बातमीदाराच्या आधारे मिळालेल्या माहितीच्या अनुषंगाने सापळा रचून सनीदेवल सुरेश काळे (वय २५ राहणार - पानमंगरुळ ता.अक्कलकोट हल्ली रा.सुकी पिंपरी ता.पूर्णा जि. परभणी) या संशयितास ताब्यात घेऊन चौकशी केली असता त्याने सात गुन्हे केल्याची कबुली दिली आहे.

दरम्यान पोलीस अधीक्षक तेजस्वी सातपुते (tejaswi satpute) म्हणाल्या अक्कलकोट तालुक्यातील सहा गुन्हे आणि मोहोळ तालुक्यातील एक असे सात गुन्हे उघड करण्यात यश आले आहे. यामध्ये ३९ तोळे सोन्याच्या दागिन्यासह ८० ग्राम चांदीचे दागिने असा १८ लाख ७६ हजार ८०० रुपये किंमतीचा मुद्देमाल जप्त करण्यात आला आहे. या गुन्ह्यांमधील अन्य पाच आरोपींचा शोध सुरू आहे.

Edited By : Siddharth Latkar