Solapur Pune Highway Accident : सोलापूर-पुणे महामार्गावर आज पहाटे भीषण अपघाताची घटना घडली. खासगी ट्रॅव्हल पलटल्यामुळे हा अपघात झाला. या अपघातामध्ये ३० प्रवासी जखमी झाले आहेत. यामधील २० जणांची प्रकृती गंभीर असल्याचे सांगण्यात येत आहे. जखमी झालेल्या अपघातग्रस्तांना तातडीने जवळच्या रूग्णालयात दाखल करण्यात आले आहे.

सोलापूर पुणे महामार्गावर टेंभुर्णी जवळ आढेगाव शिवारात आज पहाटे प्रवासी वाहतूक करणारी ट्रॅव्हल पलटल्यामुळे दुर्घटना घडली. आज पहाटेच्या सुमारास चालकाला झोप लागल्यांमुळे ट्रॅव्हल खड्ड्यात पलटी झाल्याची घटना घडली आहे. ट्रॅव्हल्समध्ये पुणे आणि मराठवाड्यातील प्रवासी होते. शिरपूर लातूर येथून पुण्याकडे जाणारी ट्रॅव्हल पहाटे पलटल्यामुळे मोठी दुर्घटना घडली. या अपघातामध्ये ३० जण जखमी झाले आहेत.

आढेगावजवळ अपघात झाल्याची माहिती मिळताच स्थानिकांनी घटनास्थळी धाव घेत बचावकार्य केले. पोलिसांनाही या घटनेबाबात तात्काळ माहिती देण्यात आली. पोलिसांनी घटनास्थळी धाव घेत जखमींनी तातडीने रूग्णालयात उपचारासाठी पाठवले. अपघातानंतर सोलापूर-पुणे महामार्गावर काही काळ वाहतूक कोंडी झाली होती. टेंभुर्णी पोलिसांनी अपघातग्रस्त वाहन बाजूला करून वाहतूक सुरळीत केली.

Mumbai Goa Highway Accident मुंबई-गोवा महामार्गावर कार-ट्रकचा भीषण अपघात

लोणेरे नजीक टेमपाले गाव हद्दीतील उड्डाण पुलावर मुंबई-गोवा महामार्गावर कारवर ट्रक कोसळल्याने भीषण अपघात झाला आहे. या अपघातात चार जण जखमी झाले असून त्यांच्यावर माणगाव उपजिल्हा रूग्णालयात उपचार सुरू आहेत. सुदैवाने कोणतीही जीवितहानी झाली नाही. अपघातग्रस्त वाहने बाजूला काढण्याचे प्रयत्न सुरू असून वाहतूक सुरळीत चालू आहे.