Solapur Dr Shirish Valsangkar News Update: न्युरोसर्जन डॉ. वळसंगकर यांना मनीषा माने हिने धमकी दिल्याची धक्कादायक माहिती समोर आले आहे. दोन मुलांना मारून टाकणार आणि पेटवून घेणार अशी धमकी मनीषा माने हिने वलशंकर यांना दिली होती. त्यामुळेच वळसंगकर यांनी आयुष्य संपवले. वळसंगकर यांनी स्वत:वर गोळ्या झाडत आयुष्य संपवले होते. आत्महत्येस प्रवृत्त केल्याप्रकऱणी त्यांच्याच रूग्णालयातील मनीषा काळे हिला शनिवारी रात्री बेड्या ठोकण्यात आल्या. रविवारी कोर्टाने मनीषा हिला तीन दिवसांची पोलीस कोठडी सुनावली आहे.

मनीषाचा वळसंगकरांना मेल अन्...

वळसंगकर यांच्या आत्महत्याप्रकऱणात दररोज नवनवीन माहिती समोर येत आहे. त्यांच्याच रूग्णालयात काम करणाऱ्या मनीषा मुसळे काळे हिने वळसंगकर यांना धमकीचा मेल पाठवला होता. दोन्ही मुलांना मारून टाकेन अन् स्वत:ला पेटवून घेईल, अशी धमकी मनीषाने दिली होती. यामुळे वळसंगकर नैराश्यात गेले होते. त्यातूनच त्यांनी टोकाचे पाऊल उचलले.

मनीषाने नेमका मेल काय केला ?

वळसंगकर रूग्णालयात काम करणाऱ्या मनीषाने डॉ. शिरीष वळसंगकर यांना एक मेल पाठवला होता. त्याचा उल्लेख फिर्यादीत करण्यात आला आहे. मनीषाचे अधिकार कापले, पगार कमी केला. त्यामुळे मनीषा दोन्ही मुलांना मारणार आणि हॉस्पिटलमध्ये येऊन पेटवन घेणार. याला सर्वस्वी जबाबदार स्टाफ आणि सर्व वळसंगकर कुटुंबीय राहतील.

सुसाईड नोटमधून खुलासा -

डॉ. वळसंगकर यांनी शुक्रावारी रात्री साडेवाजता बेडरूमध्ये परवाना असलेल्या पिस्तुलने डोक्यात गोळ्या झाडून घेतल्या होत्या. न्युरोसर्जन वळसंगकर यांनी टोकाचे पाऊल का उचलले? हा प्रश्न सोलापूरकरांसोबत महाराष्ट्राला पडला होता. शनिवारी वळसंगकर यांच्या पार्थिवावर अंत्यसंस्कार करण्यात आले. मुलाला वळसंगरकर यांच्या पँटमध्ये एक नोट मिळाली. त्यामध्ये रूग्णालयातील प्रशासनाधिकारी नीषा माने मुसळे यांना जबाबदार धरले होते. सुसाईड नोट पाहिल्यानंतर अश्विन यांनी सदर बाजार पोलिसात तक्रार दिली. त्यानंतर पोलिसांनी महिलेला ताब्यात घेतले.

सुसाईड नोटमध्ये नेमकं काय ?

वळसंगरकर यांनी टोकाचे पाऊल उचलण्याआधी आपल्या पँटमध्ये एक नोट लिहून ठेवली होती. त्यामध्ये त्यांनी कारण स्पष्ट लिहिले होते. वळसंगकरांनी नोटमध्ये एओ मुसळे असा उल्लेख केलेला आहे. "ज्या माणसाला मी शिकवून प्रशासनाआधिकारी (एओ) केले आहे. चांगला पगार देत आहे. त्याने खोटारडे आणि घाणेरडे आरोप करून मला धमकावले आहेत. त्याचं मला अतिव दु:ख होत आहे. त्यामुळे मी आयुष्य संपवत आहे. "