Solapur News : सोलापूरमधून धक्कायक वृत्त समोर आलं आहे. कार्तिकी यात्रेसाठी पंढरपूरकडे पायी निघालेले सहा वारकऱ्यांना एका वाहनाने चिरडले आहे. हा अपघात सोलापूरच्या सांगोला तालुक्यातील जुनोनी गावा जवळ घडला. या घटनेने एकच खळबळ उडाली आहे.

मिळालेल्या माहितीनुसार, सोलापूरमध्ये मोठा अपघात घडला आहे. कार्तिकी यात्रेसाठी पंढरपूरकडे पायी निघालेले सहा वारकऱ्यांना एका वाहनाने चिरडले आहे. सदर अपघात हा सांगोला तालुक्यातील जुनोनी गावाजवळ घडला आहे. या अपघातात सहा जणांचा मृत्यू झाला आहे. यात चार महिला आणि दोन पुरूषाचा सामावेश आहे. सदर अपघात सहा जण जखमी झाले आहेत. अपघाताची खबर मिळताच सांगोला पोलीस हे घटनास्थळी पोचले आहेत.

या अपघातात शारदा आनंदा घोडके, सुशीला पवार, रंजना बळवंत जाधव, गौरव पवार, सर्जेराव श्रीपती जाधव, सुनिता सुभाष काटे, शांताबाई शिवाजी जाधव या भाविकांचा जागीच मृत्यू झाला आहे.

मृत वारकऱ्यांच्या कुटुंबांना प्रत्येकी पाच लाख रुपये मदतीची मुख्यमंत्र्यांची घोषणा

कार्तिकी यात्रेसाठी पंढरपूरकडे पायी निघालेल्या वारकऱ्यांना सांगोला मिरज मार्गावर वाहनाने चिरडल्यामुळे झालेल्या दुर्घटनेवर मुख्यमंत्री एकनाथ शिंदे यांनी शोक व्यक्त केला आहे. तसेच मृतांच्या कुटुंबीयांना प्रत्येकी पाच लाख रुपये तातडीच्या मदतीची देखील त्यांनी घोषणा केली आहे.

मुख्यमंत्र्यांनी हे वृत्त कळताच तातडीने जिल्हा प्रशासनाशी संपर्क साधला तसेच या घटनेतील जखमी वारकऱ्यांना ताबडतोब योग्य ते उपचार देण्यात यावे असे निर्देश दिले. हा अपघात कसा झाला याविषयी तातडीने चौकशी करण्याचे निर्देशही त्यांनी दिले आहेत